ថ្ងៃនេះរកឃើញស្រ្តីខ្មែរមកពីអាមេរិកឆ្លង COVID-19 ១ ករណី និងជាសះស្បើយ ២ នាក់
នៅថ្ងៃនេះក្រសួងសុខាភិបាលបានប្រកាសរកឃើញអ្នកឆ្លង COVID-19 ថែមថ្មី ១ ករណីទៀតហើយ ដែលទើបវិលពីសហរដ្ឋអាមេរិក។ ទោះជាមានអ្នកឆ្លងបន្តក៏ពិតមែន តែក៏មានអ្នកព្យាបាលជាសះស្បើយ ២ នាក់ផងដែរ។
អ្នកឆ្លងថ្មីជាស្ត្រីជនជាតិខ្មែរវ័យ ៥៧ ឆ្នាំ មានអាសយដ្ឋាននៅឃុំតាពូង ស្រុកថ្មគោល ខេត្តបាត់ដំបងដែលវិលពីសហរដ្ឋអាមេរិក និងបន្តជើងហោះហើរនៅប្រទេសកូរ៉េខាងត្បូង រួចមកដល់កម្ពុជាកាលពីថ្ងៃ ៣១ ខែកក្កដា ឆ្នាំ ២០២០ ដោយទទួលលទ្ធផលវិភាគសំណាកលើកទី ២ ទើបវិជ្ជមាន COVID-19 ហើយបច្ចុប្បន្នអ្នកជំងឺបានដាក់ឲ្យសម្រាកព្យាបាលនៅមណ្ឌលសុខភាពចាក់អង្រែ រាជធានីភ្នំពេញ។
រីឯអ្នកសះស្បើយវិញជាបុរសជនជាតិខ្មែរ ២ នាក់ ដែលមកពីអារ៉ាប់ប៊ីសាអូឌីត និងបានអនុញ្ញាតឲ្យចាកចេញពីមណ្ឌលសុខភាពចាក់អង្រែ រាជធានីភ្នំពេញ បន្ទាប់ពីតេស្តអវិជ្ជមាន COVID-19 ២ ដង។
សរុបតួលេខអ្នកឆ្លង COVID-19 ទូទាំងប្រទេសមានចំនួន ២៧៣ នាក់ស្ត្រី ៥៤ និងបុរស ២១៩ នាក់ក្នុងនោះអ្នកព្យាបាលសះស្បើយមានចំនួន ២២៥ នាក់ ហើយកំពុងសម្រាកព្យាបាលនៅមន្ទីរពេទ្យរដ្ឋចំនួន ៤៨ នាក់។
អត្ថបទផ្ដល់សិទ្ធិដោយ 