ក្រសួងសុខាភិបាលបានប្រកាសថាមានអ្នកឆ្លង COVID-19 ១ ករណីទៀតហើយ ដែលជាជនជាតិបរទេស ហើយក៏មិនមែនជាអ្នកពាក់ព័ន្ធក្នុងព្រឹត្តិការណ៍ ០៣ វិច្ឆិកា និងគ្មានអ្នកជាសះស្បើយថ្មីឡើយ។
សម្រាប់អ្នកឆ្លងថ្មីនេះគឺជាស្ត្រីជនជាតិអាមេរិក ស្នាក់នៅសណ្ឋាគារមួយនៅរាជធានីភ្នំពេញ ដែលធ្វើដំណើរមកពីសហរដ្ឋអាមេរិក បន្តជើងហោះហើរនៅប្រទេសកូរ៉េខាងត្បូង ហើយមកដល់កម្ពុជាកាលពីថ្ងៃ ០៤ ខែវិច្ឆិកា ឆ្នាំ ២០២០។ តែលទ្ធផលតេស្តលើកទី១ គឺអវិជ្ជមាន រហូតទាល់តែលទ្ធផលតេស្តលើកទី២ ទើបរកឃើញវិជ្ជមាន COVID-19 ដែលចេញដោយមន្ទីរពេទ្យមិត្តភាពខ្មែរ-សូវៀត ហើយបច្ចុប្បន្នក្រសួងឲ្យសម្រាកព្យាបាលនៅមន្ទីរពេទ្យនោះតែម្ដង។
សរុបតួលេខអ្នកឆ្លងជំងឺ COVID-19 នៅកម្ពុជាមាន ៣០១ នាក់ (ស្ត្រី៦១ នាក់ និងបុរស ២៤០ នាក់) ក្នុងនោះព្យាបាលសះស្បើយមានចំនួន ២៨៨ នាក់ និងកំពុងសម្រាលព្យាបាលនៅមន្ទីរពេទ្យរដ្ឋ ១៣ នាក់សម្រាកព្យាបាលនៅមន្ទីរពេទ្យមិត្តភាពខ្មែរ-សូវៀតជាបុរស ១០ និងស្ត្រី ៣ នាក់។