ភ្នំពេញ ៖ នៅរសៀលថ្ងៃទី០៣ ខែឧសភា ឆ្នាំ២០១៩ លោក ឌី រ័ត្នខេមរុណ អភិបាលរងខណ្ឌមានជ័យ និងជាប្រធានអនុសាខាកាកបាទក្រហមកម្ពុជា ខណ្ឌមាន័យ បានផ្តល់ជូនអំណោយសប្បុរសធម៌កាកបាទក្រហមកម្ពុជា ជូនដល់ប្រជាពលរដ្ឋក្រីក្រជាង៥០គ្រួសារ ស្ថិតនៅក្នុងបរិវេនវត្តចង្ក្រានតាព្រហ្មស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
លោកអភិបាលរងខណ្ឌ និងជាប្រធានគណៈកម្មាធិការអនុសាខាកាកបាទក្រហមកម្ពុជាខណ្ឌមានជ័យតែងតែមានក្តីមេត្តា ករុណា គិតគូរ និងផ្តល់ក្តីសង្ឃឹម ជំនឿចិត្តដល់ប្រជាពលរដ្ឋ ទូទៅ ក្នុង មូលដ្ឋាន ខណ្ឌ មានជ័យ ដែលជួបការលំបាកពោលគឺ”កន្លែងណាមានទុក្ខលំបាក កន្លែងនោះមានកាកបាទក្រហមកម្ពុជា។
ក្នុងឱកាសនោះដែរ លោកប្រធានគណៈកម្មាធិការកាកបាទក្រហមកម្ពុជាខណ្ឌមានជ័យបានថ្លែងថា កាកបាទក្រហមកម្ពុជាតែងតែបន្តបេសកកម្មការងារមនុស្សធម៌របស់សម្ដេចកិត្តិព្រឹត្តិបណ្ឌិត ប៊ុនរ៉ានី ហ៊ុនសែន និងអំណោយរបស់អនុសាខាកាកបាទក្រហមកម្ពុជាខណ្ឌមានជ័យ ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន។
លោកអភិបាលរងបានថ្លែងបន្តទៀតថា យើងមានអ្វីៗសព្វថ្ងៃនេះ គឺដោយសារការខិតខំប្រឹងប្រែងរបស់ថ្នាក់ដឹកនាំជាតិ របស់គណបក្សប្រជាជនកម្ពុជា ហើយជាពិសេស ក្រោមការដឹកនាំរបស់សម្តេចតេជោ ហ៊ុន សែន បានធ្វើឱ្យប្រទេសកម្ពុជាមានការអភិវឌ្ឍ មានសុខសន្តិភាព មានស្ថេរភាពនយោបាយល្អ និងមានសេដ្ឋកិច្ចរីកចម្រើនឥតឈប់ឈរ។
ជាមួយគ្នានោះ លោកអភិបាលរងនិងជាប្រធានគណៈកម្មការអនុសាខាកាកបាទក្រហមកម្ពុជា ខណ្ឌ មានជ័យ បាន អំពាវនាវ ដល់ បងប្អូន ប្រជាពលរដ្ឋ ដែល រស់ នៅ ក្នុង មូលដ្ឋាន ខណ្ឌ មានជនជ័យទាំងអស់ឱ្យបន្តជឿទុកចិត្តលើការដឹកនាំរបស់ អាជ្ញាធរខណ្ឌមានជ័យ, រាជរដ្ឋាភិបាលស្របច្បាប់, គណបក្សប្រជាជន និងការដឹកនាំដ៏ត្រឹមត្រូវរបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីកម្ពុជាកាន់តែមានការអភិវឌ្ឍ ពេញលេញនិងទទួលបាននូវសុខសន្តិភាពបន្តជានិរន្តរ៍។
សូមបញ្ជាក់ថា អំណោយមនុស្សធម៌អនុសាខាកាកបាទក្រហម ដែលបានផ្តល់ជូនប្រជាពលរដ្ឋទាំង៥១គ្រួសារនោះរួមមាន៖ អង្ករ១បាវ មី ទឹកបរិសុទ្ធ តែស្ករ នឹងថវិកាក្នុងម្នាក់ៗចំនួន១០,០០០រៀលផងដែរ៕