អ្នកនិយមតាមដានរឿងសាមកុក មានដឹងទេថា ឆាវឆាវមានកំហុសរឿងអាស្រូវ៣យ៉ាង ដែលអ្នកមិនទាន់បានដឹង
មនុស្សយើងម្នាក់ៗតែងមានរឿងសម្ងាត់ និងអាថ៌កំបាំងរៀងៗខ្លួន គ្រាន់តែអ្នកខ្លះអាចលាក់បាំងជិត និងខ្លះទៀតលាក់បាំងមិនជិត សម្រាប់ថ្ងៃនេះ យើងខ្ញុំចង់លើកយករឿងអាស្រូវចំនួន៣ របស់ឆាវឆាវ មកជម្រាបជូនដើម្បីជាចំណេះដឹង និងជាគតិក្នុងការគិតដើម្បីជៀសវាងផងដែរ។
រឿងអាស្រូវទី១ ៖ ឆាវឆាវមានប្រពន្ធច្រើននាក់(១០នាក់)
ឆាវឆាវ ជាមេដឹកនាំខ្លាំងពូកែ និងខ្លាំងក្លាម្នាក់ តែគាត់ជាមនុស្សម្នាក់ដែលមានភរិយាច្រើនផងដែរ តាមឯកសារខ្លះថាគាត់មានប្រពន្ធ៩នាក់ និងខ្លះទៀតថាគាត់មានរហូតដល់១០នាក់។ មុនពេលគាត់ស្លាប់ បានផ្តែផ្ដាំដល់ប្រពន្ធទាំងអស់របស់គាត់ថា បើចង់យកប្តីក្រោយពេលគាត់ស្លាប់ ក៏មិនអីដែរនេះគឺជាធម្មជាតិ និងជារឿងធម្មតាចំពោះមនុស្សទេ។
រឿងអាស្រូវទី២ ៖ ឆាវឆាវស្រឡាញ់តែស្ត្រីដែលមានប្ដីហើយ ជាងនារីដែលនៅក្រមុំ
នៅក្នុងសាច់រឿងសាមកុក គាត់បានសម្លាប់ស្តេចត្រាញ់ណាហើយ តែងតែយកនារីជាប្រពន្ធរបស់ស្តេចត្រាញ់នោះធ្វើជាភរិយាជាបន្តបន្ទាប់ រហូតពេលដែលមេទ័ពលីពូស្លាប់ ឆាវឆាវគិតចង់យកនាងទាវឆាន ធ្វើជាភរិយាថែមម្នាក់ទៀត តែនាងបានធ្វើអត្តឃាតសម្លាប់ខ្លួនបាត់ទៅ។
រឿងអាស្រូវទី៣ ៖ ឆាវឆាវដឹងកំហុសព្រមកែកំហុស តែគេមិនទទួលស្គាល់កំហុស
ក្នុងនាមជាមេដឹកនាំ ជៀសមិនផុសពីការសាងនូវកំហុសឆ្គងទេ ចំណែកឯឆាវឆាវដូចគ្នា គេមានកំហុសឆ្គងជាច្រើន តែគេតែងកែកំហុសវិញជានិច្ច គ្រាន់តែពេលខ្លះគេមិនទទួលស្គាល់កំហុសរបស់គេ។ នេះគឺជាទម្លាប់អាក្រក់មួយផងដែរ ក្នុងនាមជាមេដឹកនាំល្អម្នាក់ ហ៊ានស៊ីគួរតែហ៊ានសង ធ្វើខុសត្រូវតែហ៊ានទទួលស្គាល់កំហុស ទើបជារឿងដែលត្រឹមត្រូវ៕