ក្រោយពីសត្វតោត្រូវបានដកហូតពីម្ចាស់ដើមជាជនជាតិចិនយកមកចិញ្ចឹមដោយគ្មានការអនុញ្ញាត ដែលល្មើសនឹងច្បាប់ក្នុងព្រះរាជាណាចក្រកម្ពុជាយើង ត្រូវបានដាក់ឱ្យរស់នៅជាមួយសត្វតោចំនួន ៤ ក្បាលផ្សេងទៀតក្នុងមជ្ឈមណ្ឌលសួនសត្វភ្នំតាម៉ៅកន្លងទៅនេះ។ យើងបានឃើញថាមានប្រជាជនក្នុងស្រុកនិងក្រៅស្រុកបានបង្ហោះសារស្នើរសុំឲ្យអាជ្ញាធរប្រគល់សត្វតោជូនម្ចាស់ដើមចញ្ចើមវិញជាច្រើន ។
ហើយនៅនាល្ងាចថ្ងៃទី ៤ ខែកក្កដានេះ យើងបានឃើញថាសម្តេចហ៊ុនសែនបានបង្ហោះសារក្នុងគេហទំព័រហ្វេសបុកថា “ល្ងាចនេះខ្ញុំបានពិភាក្សាជាមួយរដ្ឋមន្ត្រីក្រសួងកសិកម្ម និងបានឯកភាពគ្នាថាអនុញ្ញាតឱ្យម្ចាស់យកទៅចិញ្ចឹមវិញក្នុងលក្ខណ្ឌម្ចាស់ត្រូវធ្វើ ទ្រុងឱ្យបានត្រឹមត្រូវដើម្បីធានាសុវត្តិភាពទាំងមនុស្សក្នុងផ្ទះ និងអ្នករស់នៅជិតខាង។ អរគុណបងប្អូនជនរួមជាតិទាំងក្នុងនិងក្រៅប្រទេសដែលបានផ្តល់យោបល់និងអាណិតដល់សត្វតោ៕”
ហើយចំពោះលុយដែលផាកពិន័យក៏ត្រូវប្រគល់ជូនម្ចាស់ដើមវិញដូចគ្នា។