ចូលរួមសោកស្តាយ! សុនខញីឈ្មោះ DIA អាយុ៨ឆ្នំាដែលបានជួយបោសសម្អាតមីននោះ បានបាត់ប់ជីវិតហើយ…..(មានរូបច្រើន)
ហ្វេសប៊ុក៖ នាថ្ងៃទី២៥ ខែឧសភា ឆ្នាំ២០១៩ យោងទៅតាមប្រភពហ្វេសប៊ុកដែលបានបង្ហោះឡើងរបស់ លោក ហេង រតនា អគ្គនាយកមជ្ឈមណ្ឌលកំចាត់មីនកម្ពុជា បានប្រាប់ឲ្យដឹងនូវរឿងដ៏សោកស្តាយបំផុតមួយគឺ សុនខមួយក្បាល ឈ្មោះ DIA ភេទញី ដែលសុនខនេះបានបំរើប្រយោជន៍វិស័យសកម្មភាពបោសសម្អាត មីន និងគ្រាប់យុទ្ធភ័ណ្ឌមិនទាន់ផ្ទុះ បានបាត់បង់ជីវិតហើយ។
លោកក៏បានបញ្ជាក់បន្ថែមទៀតថា៖“ថ្ងៃនេះអង្គភាពសុនខសុីម៉ាក់ មានការសោកស្តាយដោយសារបាត់បង់សុនខមួយក្បាលមានឈ្មោះថា DIA ភេទញី អាយុជាង ៨ឆ្នាំ ដែលសុនខនេះបានបំរើប្រយោជន៍វិស័យសកម្មភាពបោសសម្អាតមីន និងគ្រាប់យុទ្ធភ័ណ្ឌមិនទាន់ផ្ទុះ។ DIA បានធ្វេីអន្តោប្រវេសន៍ មកពីប្រទេសប៊ូសស្នៀ។ ទន្ទឹងនឹងនេះ សុនខនេះបានបង្កេីតកូនសុនខដប់ក្បាលផងដែរ ដើម្បីជាប្រយោជន៍ដល់អង្គភាពសុនខសុីម៉ាក់។ ខ្ញុំសូមអរគុណ ដល់មន្ត្រីនៃមណ្ឌលសុនខទាំងអស់ បានសាមគ្គីភាពដ៏ល្អក្នុងការចាត់ចែងទុកដាក់សុនខDIA បានល្អ!”៕ប្រិយមិត្តចង់ជ្រាបច្បាសសូមទស្សនារូបភាពខាងក្រោមនេះ
