ចប់ហើយស្មាតហ្វូន Huawei នឹងបាត់បង់ពាក្យថា អង្គចងចាំទៀតហើយ ក្រោយបាត់បង់សិទ្ធប្រើប្រាស់
កាលពីថ្ងៃម្សិលមិញនេះ បណ្ដាញសារព័ត៌មានរបស់ engadget បាននិយាយថា គ្មានទៀតទេពាក្យថាស្មាតហ្វូន Huawei អាចបន្ថែមអង្គចងចាំក្រៅ ប្រសិនបើអ្នកប្រើប្រាស់អង្គផ្ទុកក្នុងស្មាតហ្វូនមិនគ្រាន់ទៀតនោះ។
ហើយក្នុងនោះ The Verge ក៏បញ្ជាក់ដែរថា ក្រុមហ៊ុន SD Association របស់អាមេរិកបានធ្វើការបញ្ចប់គម្រោងការផ្គត់ផ្គង់នូវ MicroSD និង SD Card ទៅឲ្យក្រុមហ៊ុនផលិតស្មាតហ្វូន Huawei នៅចិនទៀត ក្រោយទទួលបានសម្ដីរបស់លោក Trump រួចមក។ ដូចយើងធ្លាប់បានដឹងព័ត៌មានច្រើនមកហើយថា ក្រុមហ៊ុនមិនក្រោមដប់នោះទេ ដែលកំពុងដកខ្លួនចេញពី Huawei ដោយសារតែការហាមឃាត់របស់លោក Trump ជាពិសេសក្រុមហ៊ុនទាំងនោះ សុទ្ធសឹងតែជាក្រុមហ៊ុនរបស់អាមេរិកតែម្ដង។
Google, Intel, ARM, Qualcomm, Broadcom ត្រូវបានបញ្ចប់កុងត្រាជាមួយ Huawei ទាំងអស់ រួមទាំងបណ្ដាក្រុមហ៊ុនក្រៅស្រុកមួយចំនួនទៀតដូចជា Toshiba, Panasonic និងក្រុមហ៊ុនចិនល្បីដូចជា DJI ក៏ត្រូវបានអាមេរិកចោទប្រកាន់ថា យន្ដហោះដ្រូន DJI របស់ចិនកំពុងតែស្រង់យកទិន្នន័យរបស់អាមេរិក ហើយប្រមូលព័ត៌មានទុកនៅចិន៕
