អ្នកនៅស្រុកខ្មែរបន្តិចទៀតនឹងទទួលបានរថយន្ត BMW ជិះព្រោងព្រាត ព្រោះក្រុមហ៊ុននេះមកដំឡើងនៅវៀតណាម
យើងទាំងអស់គ្នាប្រាកដជាស្គាល់ហើយនូវរថយន្តប្រភេទទំនើប BMW និង Peugeot ដែលកំពុងមានការពេញនិយមជិះនៅក្នុងប្រទេសកម្ពុជា រីឯតម្លៃលក់វិញមានតម្លៃកប់ពពកនាពេលបច្ចុប្បន្ននេះ ប៉ុន្តែនាពេលខាងមុខនេះ តម្លៃនៃការលក់នឹងមានការចុះថ្លៃផងដែរ ព្រោះតែក្រុមហ៊ុនរថយន្តនឹងគ្រោងតំឡើងនៅប្រទេសវៀតណាម។
រោងចក្រតម្លៃ២០០លានដុល្លារនេះមានទំហំផ្ទៃដីសរុប៧.៥ហិចតានៅខេត្តក្វាងណាម ប្រទេសវៀតណាម មានសមត្ថភាពដំឡើងឡានប្រណិតយីហោបារាំង Peugeot បាន២០,០០០ គ្រឿងសម្រាប់លក់ក្នុងស្រុកនិងនាំចេញ។ រោងចក្រនេះជារោងចក្របែបទំនើប និងប្រើប្រព័ន្ធម៉ាស៊ីនស្វ័យប្រវត្តិច្រើន ដើម្បីតម្រូវតាមស្តង់ដារឡានប្រណិត នេះបើតាមការចុះផ្សាយពី Vietnamnews។
Thaco ជាក្រុមហ៊ុនដែលបានចុះកិច្ចសន្យានាំចូល Peugeot ផ្តាច់មុខមកលក់នៅវៀតណាមតាំងពីឆ្នាំ២០១៤ ខណៈដែលឡានបារាំងមួយនេះជាយីហោពេញនិយមមួយនៅវៀតណាម។ កាលពីឆ្នាំ២០១៨ កន្លងទៅ Peugeot 3008 និង5008 ជាម៉ូឌែលលក់ដាច់បំផុត។ ក្រុមហ៊ុនវៀតណាមខាងលើក៏ជាអ្នកនាំចូលឡានប្រណិត BMW មកលក់នៅវៀតណាមកាលពីឆ្នាំ២០១៨ផងដែរ។
ក្រុមហ៊ុនវៀតណាមនេះក៏ធ្លាប់បាននាំចេញឡាន Mazda ដែលដំឡើងនៅវៀតណាម សម្ភារៈប្រើក្នុងឡាន គ្រឿងបន្លាស់ និងឡានមួយចំនួនទៀតទៅកាន់ប្រទេស កូឡូមបៀ កូរ៉េខាងត្បូង ម៉ាឡេស៊ី រូស្ស៊ី កាហ្សាស្ថាន ឡាវ មីយ៉ាន់ម៉ា និងកម្ពុជាកាលពីឆ្នាំ២០១៣៕
