ដំណឹងល្អសម្រាប់ពលរដ្ឋកម្ពុជា នៅក្នុងឆ្នាំ២០២៥ រថយន្តលុចស៊ីសនឹងលែងចាក់សាំងទៀតហើយ ជិះមួយសេរី
គិតមកទាល់ខែកក្កដា ឆ្នាំ២០១៩ នេះប្រ៊េនឡានមួយរបស់ប្រទេសជប៉ុន ដែលស្ថិតនៅក្រោមការគ្រប់គ្រងរបស់ Toyota គឺម៉ាកយីហោ Lexus មានអាយុកាលជាង៣០ឆ្នាំមកហើយ ជាពិសេសក៏ផលិតបានឡានច្រើនលើសលប់ និង មានលក់នៅកម្ពុជាថែមទៀតផង។
តាមរយៈលោក Koji Sato បានថ្លែងប្រាប់អ្នកសារព័ត៌មានថា “រវាងក្រុមហ៊ុន Toyota និង Lexus គ្រោងនឹងបញ្ចេញរថយន្ដ១០គ្រឿងនៅត្រឹមឆ្នាំ២០២៥ ដែលពេលនោះគ្រប់រថយន្ដរត់នៅលើផ្លូវទាំងអស់របស់ Lexus និងត្រូវបានបំពាក់ដោយអគ្គិសនី។
លោកក៏បានបន្ថែមថា ធាតុពិតវាគឺជារឿងដែលយើងត្រូវតែទទួលយក និងព្រមផ្លាស់ប្ដូរ ព្រោះតែពេលនេះពិភពលោកផ្លាស់ប្ដូរលឿនណាស់ អ៊ីចឹងហើយទីផ្សារក៏ទៅលឿនដែរ បើយើងនៅក្រោគេ ប្រាកដណាស់ជាខាតបង់មិនខាន ដូច្នេះមានតែខំទាំងអស់គ្នា ព្រោះដៃគូរយើងក៏ព្យាយាមផលិតផងដែរ។ វាពិបាកខ្លាំងណាស់សម្រាប់ការផលិត រថយន្ដដែលប្រើប្រាស់អគ្គិសនីបែបនេះ ព្រោះតែត្រូវការអាគុយ ដែលផលិតមកមានគុណភាពខ្ពស់។
ក្នុងនោះអ្នកផលិតក៏បានបន្ថែមថា យើងបានត្រៀមខ្លួនរួចជាស្រេចដើម្បីទៅផលិតរថយន្ដប្រើប្រាស់អគ្គិសនី តែក្នុងនោះ ចំណោម១១ម៉ូឌែល គឺមានតែ៥ប៉ុណ្ណោះ ដែលមិនអាចប្រើ Hybrid បានហើយ IS , RC និង GS រួមទាំងត្រកូល អេស អេស គឺត្រូវប្រើប្រាស់ម៉ាស៊ីនកូនកាត់ពីមុនដដែល។
ហើយ ក្នុងនោះ ប្រភេទរថយន្ដ SUV វិញ អតិថិជនក៏កំពុងវែកញែកផងដែរថា ដើម្បីឲ្យក្រុមហ៊ុនធ្វើការដោះស្រាយទៅលើត្រកូល GX និង LX ដើម្បីបំពេញតម្រូវការលើការបើកបរដោយប្រើប្រាស់អគ្គិសនីផងដែរ។
ជាមួយគ្នានោះក៏មានក្រុមហ៊ុនជាច្រើនក៏បានសម្លឹងមើលពីដំណើរការរបស់ Lexus ផងដែរ ព្រោះវាជារឿងដែលពិបាក សម្រាប់រថយន្ដដែលត្រូវផ្លាស់ប្ដូរទៅជារថយន្ដអគ្គិសនីទាំងអស់នោះ ជាពិសេសតម្លៃវិញក៏មិនថោកដែរ បើមកដល់ស្រុកយើង។
គួរបញ្ជាក់ផងដែរថា Lexus គឺជាប្រ៊េនមួយល្បីនៅស្រុកយើង ជាពិសេសនៅលើផ្លូវក្នុងទីក្រុងភ្នំពេញ និង តាមខេត្តយើងក៏ឃើញមានឡាននេះ ជិះច្រើនផងដែរ ព្រោះតែតម្លៃ និងប្រ៊េនមួយនេះ ក៏គួរសមផងដែរ សម្រាប់ទីផ្សារស្រុកយើង៕
