ឡូយមែន! ការពិតបទថ្មី ព្រាប សុវត្ថិ «ភូមិខ្ញុំ Update» គឺជាស្នាដៃនិពន្ធរបស់ តន់ ច័ន្ទសីម៉ា!(មានវីដេអូ)

ជាការពិតណាស់ ក្រោយពេលដែលកំពូលតារាចម្រៀងល្បីឈ្មោះលោក ព្រាប សុវត្ថិ ចុះកុងត្រាជាមួយផលិតកម្មថ្មី Galaxy Navatra មក មហាជនជាច្រើនកាន់តែចាប់អារម្មណ៍លើលោកកាន់តែខ្លាំង ពិសេសនោះគឺតាមរយៈបទចម្រៀងដែលទើបតែចេញថ្មីរបស់លោកផ្ទាល់នោះតែម្ដង។

ជាក់ស្ដែងកាលពីម្សិលមិញនេះ លោកទើបតែចេញបទចម្រៀងថ្មីមួយទៀតដែលមានចំណងជើងថា «ភូមិខ្ញុំ Update» ដែលនេះជាបទទី២ ក្រោយចូលក្នុងផលិតកម្ម Galaxy Navatra តែអ្វីដែលធ្វើឲ្យគ្រប់គ្នាភ្ញាក់ផ្អើល បទថ្មីនេះគឺជាស្នាដៃនិពន្ធរបស់កញ្ញា តន់ ច័ន្ទសីម៉ា ដែលជាតារាចម្រៀងស្រីវ័យក្មេងល្បីឈ្មោះក្នុងផលិតកម្មនោះផងដែរ។

ក្រោយពេលឃើញបែបនេះ មហាជនជាច្រើនកាន់តែសរសើរសមត្ថភាពកញ្ញា តន់ ច័ន្ទសីម៉ា មិនត្រឹមតែច្រៀងពិរោះនោះទេ ហើយថែមទាំងមានសមត្ថភាពនិពន្ធបទចម្រៀងឲ្យតារារៀមច្បងច្រៀងយ៉ាងឡូយទៀតផង៕ តោះ! ចង់ជ្រាបច្បាស់ ទៅទស្សនាវីដេអូខាងក្រោមនេះទាំងអស់គ្នា៖

អត្ថបទដោយ៖ស៊ីវលី