គួរឲ្យសរសើរ! ថ្ងៃកំណើតវ័យ៣៣ឆ្នាំ ឱក សុគន្ធកញ្ញា បង្ហាញអារម្មណ៍រំលឹកដល់គុណម្ដាយថា…..

ជាការពិតណាស់ ក្រោយពេលដែលកំពូលតារាចម្រៀងស្រីល្បីឈ្មោះអ្នកនាង ឱក សុគន្ធកញ្ញា រៀបការកសាងគ្រួសារ និងមានកូនប្រុសមួយរូបមក អ្នកនាងនិងគ្រួសារកាន់តែមានសុភមង្គលខ្លាំងឡើងៗ ធ្វើឲ្យហ្វេនៗជាច្រើនឃើញហើយច្រណែនសឹងតែគ្រប់គ្នាទៀតផង។

យ៉ាងណាមិញ ថ្ងៃនេះជាថ្ងៃកំណើតគម្រប់វ័យ ៣៣ ឆ្នាំ ហើយក្នុងនោះអ្នកនាងក៏បានធ្វើឲ្យមហាជននិងហ្វេនៗជាច្រើនចាប់អារម្មណ៍ ជាមួយនិងរូបភាពក៏ដូចជាសារ រៀបរាប់ទៅកាន់អ្នកម្ដាយជាទីស្រលាញ់ថា៖

«ថ្ងៃនេះ កាលពីជាង ៣០មុន មនុស្សស្រីម្នាក់នេះ កំពុងតែទ្រាំនូវការឈឺចាប់ អារម្មណ៍ភ័យខ្លាចត្រូវបង្កើតកូនដំបូងម្នាក់ បន្ទាប់មកត្រូវមានទំនួលខុសត្រូវ បីបាច់ថែរក្សា ស្រឡាញ់ ថ្នាក់ថ្នម ការពារគ្រប់កាលៈទេសៈ បារម្ភខ្លាចកូនមិនល្អ រឹងមាំមិនគ្រប់គ្រាន់ នៅក្បែរ កំដរកូនគ្រប់ពេល ហើយធ្វើជាអ្នកគាំទ្រតែម្នាក់ បើទោះជាពេលនោះគ្មានអ្នកណា ក៏មិនបង់ចោលដែរ មនុស្សស្រីម្នាក់នេះជាម្ដាយ ដែលបានបង្កើតក្មេងស្រីម្នាក់ជា ឱក សុគន្ឋកញ្ញា ម្នាក់នេះ អរគុណអ្នកម្តាយដែលតែងតែផ្តល់នូវអ្វីៗគ្រប់យ៉ាងដល់កូន អរគុណអ្នកម្ដាយតែងតែធ្វើអ្វីៗទាំងអស់ដើម្បីតែកូន ជីវិតនេះអ្នកលំបាកពេកហើយ សង្ឃឹមថាយើងនិងបានជួបជុំគ្នាវិញឆាប់ៗ»។

ក្រោយពេលឃើញបែបនេះ ហ្វេនៗជាច្រើនពិតជាសរសើរទឹកចិត្តតារាស្រីរូបនេះ ដែលបានដឹងគុណដ៏ធំធេង ដែលអ្នកម្ដាយរបស់ខ្លួនបានផ្ដល់ឲ្យតាំងពីតូចរហូតដល់សព្វថ្ងៃនេះ៕ តោះ! ទៅទស្សនារូបភាពខាងក្រោមនេះទាំងអស់គ្នា៖

អត្ថបទដោយ៖ស៊ីវលី