ចិត្តល្អពេកហើយ! អ្នកគ្រូណាលី ប្រាប់វិធីកាត់ឆុងងាយៗ គ្មានអស់លុយមួយកាក់មួយសេន
បណ្ឌិតហុងស៊ុយបែបវិទ្យាសាស្ត្រអ្នកគ្រូ ឡុង ណាលី បានបង្ហាញអំពីវិធីកាត់ឆុងងាយៗមិនចាំបាច់ចំណាយថវិកា សម្រាប់អ្នកដែលត្រូវឆុងនឹងឆ្នាំឆ្លូវដែលនឹងចូលមកដល់ក្នុងពេលឆាប់ៗខាងមុខនេះ។
បើតាមក្បួនហុងស៊ុយបែបវិទ្យាសាស្ត្រ សម្រាប់អ្នកដែលឆុងឆ្នាំ ឆុងខែ ឆុងថ្ងៃ ឬឆុងម៉ោងកើត លោកអ្នកអាចកែឆុងបានដោយគ្រាន់តែយកស្ទីកគ័រកាត់ឆុងរូបសត្វកណ្ដុរបិតនឹងទូរសព្ទដៃ ឬកាបូបលុយរបស់លោកអ្នក ដោយបិតក្នុងថ្ងៃជូត ម៉ោងជូត ជាការស្រេច។ អ្នកគ្រូណាលី ក៏បានបញ្ជាក់ថានឹងមានផ្ដល់ជូនស្ទីកគ័រកាត់ឆុងនេះចំនួន ៣ម៉ឺនស្ទីកគ័រសម្រាប់ចែកជូនបងប្អូនប្រជាពលរដ្ឋកម្ពុជា ដោយនឹងចែកជូនបន្ទាប់ពីស្ថានការណ៍ជំងឺកូវីដ១៩បានស្ងប់បន្តិច។
គួរបញ្ជាក់ផងដែរថា បើតាមការឲ្យដឹងពីអ្នកគ្រូ ណាលី នាពេលកន្លងមក ឆ្នាំដែលឆុងនឹងឆ្នាំឆ្លូវឆ្នាំ ២០២១ ខាងមុខនេះ គឺមានឆ្នាំមមែដែលឆុង ១០០%, ឆ្នាំរោងឆុង ៥០%, ឆ្នាំមមីឆុង ៥០% និងឆ្នាំចឆុង ៥០%។ សម្រាប់ឆុងនេះដែរមានចែកចេញជាឆុងហេង និងឆុងស៊យ ប្រសិនបើឆុងហេងគឺឆុងហេង ១០០% ហើយប្រសិនបើឆុងស៊យគឺឆុង ១០០%។ ចង់ដឹងច្បាស់ថាឆ្នាំរបស់ខ្លួនឆុងហេង ឬឆុងស៊យនោះ គឺមានប្រាប់ក្នុងកម្មវិធី App My Destinny-វាសនាខ្ញុំ ផងដែរ៕
