ហោរាសាស្រ្តប្រចាំថ្ងៃ អង្គារ ទី ០២ ខែ វិច្ឆិកា ឆ្នាំ ២០២១ ត្រូវនឹងថ្ងៃ ១២រោច ខែអស្សុជ ឆ្នាំឆ្លូវ ត្រីស័ក ពស២៥៦៥
ឆ្នាំជូត
រាសីល្អជាមធ្យម។ថ្ងៃនេះដំណើរជីវិតជួបលើកំណាត់ផ្លូវរដិបុរដុបបន្តិច ម្ល៉ោះហើយគប្បីចាត់ចែងរបៀបការងារ និងរៀបចំចាត់ចែងប្រាក់កាសឱ្យបានល្អ។ការប្រកបការងារលោកអ្នកជួបបញ្ហានឿយណាយនិងប្រទាំងប្រទើសច្រើនបន្តិចតែយ៉ាងណាក៏មានការរីកលូតលាស់សន្សឹមៗដូចសព្វមួយដងទេ។អ្នកប្រកបរបររកស៊ីជួញដូរទោះជួញទីជិតឆ្ងាយវិញពុំសូវគាប់ប្រសើរទេគួរមានការប្រយ័ត្នប្រយែងបន្តិចពីព្រោះមានតែក្រុមមនុស្សចាំផ្តួលរំលំដោយក្តីឈ្នានីស។ សម្ព័ន្ធស្នេហាប្រុសស្រីកុំគប្បីលេងម៉េះម៉ោះច្រើននាំកើតរឿងសៅហ្មងមានតែបញ្ហាប្រទាំងប្រទើសជាមួយគ្នាតែប៉ុណ្ណោះ៕
ឆ្នាំឆ្លូវ
រាសីខ្ពស់ត្រដែត។ទាំងស្ត្រីបុរសការរស់នៅលោកអ្នកត្រូវចេះចាត់ចែងការងារ និង ប្រាក់កាសឱ្យបានល្អទើបពុំមានអ្វីនាំឱ្យរែកពន់ភាពលំបាកលំបិននាពេលក្រោយ។នៅថ្ងៃនេះផ្តល់ល្អសម្រាប់លោកអ្នកសម្រុកបំពេញការងារឬផ្តើមបំពេញការងារអ្វីមួយថ្មីព្រោះផ្លែផ្កាហុចមកវិញក៏គួរជាទីពេញចិត្ត។
អ្នកប្រកបរបររកស៊ីជួញដូរក្នុងថ្ងៃនេះការចេញធ្វើជំនួញមិនថាផ្លូវគោកផ្លូវទឹកផ្លូវអាកាសក្តីតែងមានភាពសុខដុម ហើយផលកម្រៃទៀតសោតបានគ្រាន់បំពេញបំពង់ជានិច្ច។ សម្ព័ន្ធស្នេហាប្រុសស្រីកុំគប្បីយកភាពប្រកែប្រកាន់ដាក់ខ្លួនច្រើននាំតែកើតរឿងសៅហ្មងចំពោះគ្នាប៉ុណ្ណោះ៕
ឆ្នាំខាល
រាសីស្រុតចុះ។នៅថ្ងៃនេះលោកអ្នកបើចង់ពឹងពាក់ ឬ ខ្ចីអ្វីមួយអ្នកដទៃទោះបីបានពិតមែនតែក៏មិនគ្រប់ដូចបំណងនោះដែរ។ការប្រកបការងារ បើទោះបីធ្វើអ្វីតែងមានការរាំងស្ទះ និង មិនសូវសម្រេចដូចបំណងប៉ុន្មានទេគប្បីមានការប្រយ័ត្នប្រយែង។អ្នកប្រកបរបររកស៊ីជួញដូរជួបផលលំបាកក្នុងការរកផលចំណូល ហើយការជួញទីជិតឆ្ងាយកើតមានភាពសៅហ្មងច្រើនទៀតផង។ រីឯបញ្ហាសេចក្តីស្នេហាកំលោះក្រមុំជួបរឿងនឿយណាយច្រើនលុកលុយ ហើយពិសេសងាយកើតជម្លោះវិវាទថែមទៀត៕
ឆ្នាំថោះ
រាសីខ្ពស់ត្រដែត។ការរស់នៅបើចង់ពឹងពាក់អ្នកដទៃឱ្យជួយក្នុងរឿងអ្វីមួយតែងហុចជាផលល្អៗមកវិញគ្រាន់ជាទីគាប់បំណង។កិច្ចការងាររបស់លោកអ្នកថ្ងៃនេះវិញឃើញថាធ្វើអ្វីងាយឆាប់ចប់ និង ទទួលលទ្ធផលលឿន។សម្រាប់អ្នកប្រកបរបររកស៊ីជួញដូរវិញចូរលោកអ្នកគប្បីបង្កើនការទំនាក់ទំនងជាមួយអ្នកដទៃឱ្យបានច្រើនព្រោះអាចទទួលផលប្រយោជន៍មកវិញយ៉ាងច្រើនជាក់ជាពុំខាន។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីត្រូវចេះយកចិត្តទុកដាក់ថែទាំចំណងស្នេហ៍ទើបមិនកើតរឿងបែកបាក់នៅគ្រាខាងមុខ៕
ឆ្នាំរោង
រាសីស្រុតចុះ។ការរស់នៅចូរប្រយ័ត្នកើតជម្លោះវិវាទណាមួយព្រោះតែពាក្យសម្តី។នៅថ្ងៃនេះការប្រកបការងារលោកអ្នកធ្វើអ្វីក៏ដោយត្រូវមានហេតុផលត្រឹមត្រូវពុំនោះទេរឿងរាវអាក្រក់ងាយកើតឡើងចំពោះមុខណាស់។សម្រាប់អ្នកប្រកបរបររកស៊ីជួញដូរពុំមានការរីកលូតលាស់ទៅមុខគួរជាទីកត់សម្គាល់ទេហើយក៏មិនមានការថយក្រោយដែរគឺដូចសព្វមួយដង។ សម្ព័ន្ធស្នេហាកំលោះក្រមុំជួបរឿងខ្វាយខ្វល់ព្រោះតែម្នាក់ៗប្រកាន់ចិត្តខ្លាំងម្ល៉ោះហើយការកើតរឿងរាវប្រទាំងប្រទើសងាយផ្ទុះឡើងណាស់៕
ឆ្នាំម្សាញ់
រាសីខ្ពស់ត្រដែត។ថ្ងៃនេះបើមានបញ្ហាអ្វីគឺអ្នកដទៃមិនអាចធ្វើអ្វីលោកអ្នកបានស្រេចតែចិត្តទេ ពិសេសងាយទទួលផលលំបាកដោយសារអ្នកទៀតផង ។ការប្រកបការងារដំណើរការល្អ ម្ល៉ោះហើយផ្តល់ផលល្អសម្រាប់លោកអ្នកចរចា បណ្តាក់ទុន ឬចុះហត្ថលេខាអ្វីមួយ។ចំពោះអ្នកប្រកបរបររកស៊ីជួញដូរបើចង់បោះទុនតូចធំមិនទាស់ខុសអ្វីដែរតែយ៉ាងណាត្រូវចេះពិនិត្យឱ្យបានគ្រប់ជ្រុងជ្រោយទើបមិនត្រូវអសាបង់ប្រាក់កាសដោយប្រការណាមួយ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីមានការស្រុះស្រួលនិងផ្អែមល្ហែមល្អប្រពៃ៕
ឆ្នាំមមី
រាសីល្អជាមធ្យម។លោកអ្នកធ្វើដំណើរទៅណាមកណាមិនគប្បីជឿក្រុមមនុស្សខ្ចាត់ព្រាត់ឡើយប្រយ័ត្ននាំទុក្ខទោសដាក់ខ្លួនមកវិញដោយប្រការណាមួយ។ថ្ងៃនេះលោកអ្នកជួបស្ថានភាពតានតឹងច្រើនហើយកិច្ចការងារធ្វើច្រើនខុសច្រើនទៀតផង។លោកអ្នកដែលចង់ពង្រីកមុខជំនួញដោយសារទ្រព្យដែលជាលាភហេងមានការខ្សត់ខ្សោយ ដូចនេះមិនត្រូវហ៊ានបោះទុនរកស៊ីដោយចំណាយទុនធំដុំឡើយប្រយ័ត្នដាក់ប្រាក់ទុនទៅកប់សូន្យឈឹង។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីកុំឃើញភ្លាមស្រឡាញ់ភ្លែតឬចង់យកល្បែងនេះលេងសើចប្រយ័ត្ននាំកើតរឿងរាវដំបៅទ្រូងនៅថ្ងៃខាងមុខ៕
ឆ្នាំមមែ
រាសីខ្ពស់ត្រដែត។ការរស់នៅស្ត្រីលោកអ្នកត្រូវយកចិត្តទុកដាក់ដល់មនោសញ្ចេតនាស្វាមីខ្លះផងដើម្បីចៀសវាងនូវការឈ្លោះវិវាទដោយមិនសមទំនងណាមួយឡើង។នៅថ្ងៃនេះឃើញថាទោះលោកអ្នកធ្វើអ្វីក៏ដោយតែងមានក្រុមមនុស្សជួយជ្រែងនិងអាណិតស្រឡាញ់ជានិច្ច។សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើ ឯផលកម្រៃទៀតសោតគ្រាន់ជាទីកក់ក្តៅ។ រីឯបញ្ហាស្នេហាប្រុសស្រីមានភាពលូតលាស់ទៅមុខ ហើយបើចង់ទំនាក់ទំនងស្នេហាថ្មីថ្មោងផងគាប់ប្រពៃ៕
ឆ្នាំវក
រាសីស្រុតចុះ។នៅថ្ងៃនេះឃើញថាដំណើរជីវិតងាយជួបបញ្ហាប្រទាំងប្រទើសនិងពិសេសងាយត្រូវគេប្រមាថថែមទៀត។សម្រាប់សុខភាពរបស់លោកអ្នកពុំសូវល្អទេចូរប្រយ័ត្នការធ្លាក់ខ្លួនឈឺដោយប្រការណាមួយ។ការប្រកបការងារត្រូវធ្វើរបស់តូចតាចឬកិច្ចការងារមិនធំដុំទើបប្រសើរ។សម្រាប់អ្នកប្រកបរបររកស៊ីជួញដូរក្នុងរយះពេលនេះមុននឹងចង់ចុះទុនអ្វីមួយត្រូវចេះគិតគូរឱ្យបានច្បាស់លាស់សិនមុនអនុវត្តជាក្រោយទើបអាចទទូលផលសម្រេចល្អ។ សម្ព័ន្ធស្នេហាប្រុសស្រីងាយមានជម្លោះវិវាទនិងពាក់មុខយក្សដាក់គ្នាណាស់ដែរ៕
ឆ្នាំរកា
រាសីខ្ពស់ត្រដែត។នៅថ្ងៃនេះលោកអ្នកអាចសម្រេចចិត្តរឿងសំខាន់និងរឿងធំដុំបានពីព្រោះថាផលតែងឆ្លើយតបនាពេលក្រោយវិញផង។ដោយសារដួងរាសីល្អប្រសើរ ម្ល៉ោះហើយផ្តល់ផលល្អសម្រាប់លោកអ្នក ទំនាក់ទំនងក្នុងកិច្ចការងារអ្វីមួយ។ចំពោះអ្នកប្រកបរបររកស៊ីជួញដូរការចេញធ្វើជំនួញឆ្ងាយជិតមានភាពកាក់កបគួរសមតែយ៉ាងណាត្រូវប្រយ័ត្នពាក្យសម្តីបន្តិច មិនដូច្នេះជោគលាភទាំងនេះនឹងត្រូវរលាយដូចអំបិលត្រូវទឹកអញ្ចឹង។
រីឯបញ្ហាគូស្នេហ៍ប្រុសស្រីមានការនឹករលឹក និង ប្រាស្រ័យទាក់ទងគ្នាល្អណាស់៕
ឆ្នាំច
រាសីស្រុតចុះ។ក្នុងថ្ងៃនេះទោះធ្វើអ្វីបើមានការប្រញាប់ប្រញាល់នោះតែងងាយឆាប់មានកំហុសនិងមានបញ្ហាមិនល្អច្រើនផង។ចំពោះការប្រកបការងារឯកជនឬរាជការក្តី បើមានឯកសារអ្វីគប្បីត្រួតពិនិត្យឱ្យបានគ្រប់ជ្រុងជ្រោយទើបគ្មានបញ្ហាមិនល្អចោទឡើង។ទាំងស្ត្រីបុរសបើមានណាត់ជួបនរណាម្នាក់គប្បីទៅមុនពេលវេលាទើបប្រសើរ។អ្នកប្រកបរបររកស៊ីជួញដូរការរកផលកម្រៃទោះមានភាពជឿនលឿនទៅមុខក្តីតែក៏មានភាពប្រទាំងប្រទើសមិនស្ទើរដែរទេ។ រីឯបញ្ហាស្នេហាកំលោះក្រមុំភាគីម្ខាងទៀតអាចកើតមានចិត្តរេនិងមានការប្រែក្រឡាស់ច្រើនគប្បីមានការប្រយ័ត្នប្រយែង៕
ឆ្នាំកុរ
រាសីល្អជាមធ្យម។ថ្ងៃនេះបើទោះធ្វើអ្វីក៏តែងជួបបញ្ហាសៅហ្មង និង កើតការរកាំចិត្តច្រើនជាងសព្វមួយដង។អ្នកប្រកបកាងារតូចធំជួបភាពសុខដុមនិងកិច្ចការងាររីកលូតលាស់សន្សឹមៗទៅមុខជានិច្ច។អ្នកប្រកបរបររកស៊ីជួញដូរមានការជឿនលឿនទៅមុខគ្រាន់បើ ហើយបើចង់ទិញកន្លែងលក់ដូរឬចង់រើទីកន្លែងលក់ដូរក៏តែងសមដូចប្រកបជានិច្ច។ រីឯបញ្ហាស្នេហាប្រុសស្រីបើចង់ចូលស្តីដណ្តឹងឬជួចាស់ទុំក៏ ជាឱកាសល្អប្រពៃផងដែរ៕