ទេវតាទ្រព្យកត់ឈ្មោះអ្នកកើតឆ្នាំ ៣ នេះ ដល់ពេលទទួលលាភសំណាងក្នុងរយៈពេល ១០ ថ្ងៃខាងមុខ
នៅចន្លោះពេល ១០ ថ្ងៃខាងមុខនេះ ពោលពី ១៥ ដល់ ២៥ ឧសភា សម្រាប់អ្នកកើតឆ្នាំទាំង ៣ ខាងក្រោម តាមហោរាសាស្រ្តគឺពួកគេដល់ពេលទទួលបានលាភសំណាង មានរាសីឡើងខ្ពស់ត្រដែត អាចកើនទ្រព្យខ្ពស់ជាងឆ្នាំដទៃ៖
អ្នកកើតឆ្នាំថោះ (ទន្សាយ)
អ្នកកើតឆ្នាំថោះ រមែងជាមនុស្សដែលមានចរិតសុភាពរាបសា ហើយមានគេស្រលាញ់រាប់អានច្រើននៅជុំវិញខ្លួន។ ជីវិតមនុស្សអ្នកកើតឆ្នាំថោះនេះ មិនលោភលន់ចង់មានបានខ្លាំងពេកនោះទេ តែជារឿយៗសំណាងច្រើនតែកើតមានដល់ពួកគេ។
តាមហោរាសាស្ត្រអ្នកកើតឆ្នាំថោះ នៅចន្លោះពេល ១០ ថ្ងៃខាងមុខ ពួកគេនឹងប្រែបញ្ហាក្លាយមកជាលាភ ដោយនឹងជួបពេលវេលានិងឱកាសល្អច្រើន ហើយអាចបង្កើនប្រាក់ចំណូលជាច្រើន។ មនុស្សនេះឈ្លាសវៃណាស់ បើមានឱកាសហើយ រមែងមិនងាយឲ្យរបូតផុតពីដៃឡើយ។
អ្នកកើតឆ្នាំវក (ស្វា)
ជាមនុស្សដែលឧស្សាហ៍ព្យាយាម មិនខ្លាចនឹងការប្រឈមឧបសគ្គ។ ពួកគេមានបុគ្គលិកលក្ខណៈរឹងមាំ អាចធន់នឹងការរស់នៅក្នុងការលំបាក ហើយតែងតែគិតវិជ្ជមានជានិច្ចក្នុងជីវិត។
គួបផ្សំនឹងអំណោយទានពីធម្មជាតិនេះដែរ សម្រាប់អ្នកកើតឆ្នាំវក នៅកំឡុងឆមាសទី ២ ឆ្នាំ ២០២១ រយៈពេល ១០ ថ្ងៃខាងមុខនេះ ពួកគេក៏ដល់ពេលទទួលបានលាភសំណាងពីទេវតាទ្រព្យហើយ។ អាជីពការងារ និងជំនួញរកស៊ីរបស់អ្នកកើតឆ្នាំវក នឹងរីកសាយក្លាយទៅជាទ្រព្យដែលទទួលបានលើសពីការរំពឹងទុករបស់ពួកគេទៅទៀត។
អ្នកកើតឆ្នាំរកា (មាន់)
ជាមនុស្សដែលមិនចេះរង់ចាំឱកាស តែជីវិតរបស់ពួកគេគឺចេះទៅកែច្នៃបង្កើតឱកាសដោយខ្លួនឯង។ អ្នកកើតឆ្នាំរកា មិនសូវកើតមកក្នុងគ្រួសារដែលមានបានពីដើមមកឡើយ តែពួកគេរមែងអាចធ្វើឲ្យគ្រួសារនោះក្លាយជាអ្នកមាននៅពេលខាងមុខបាន។
តាមហោរាសាស្រ្តសម្រាប់អ្នកកើតឆ្នាំរកា នៅរយៈពេល ១០ ថ្ងៃខាងមុខ អាចរាប់ថាជាសំណាងបើកឆាកនៅឆមាសទី ២ សម្រាប់ពួកគេ ដោយមានគេប្រាប់មកឲ្យអ្នកត្រៀមខ្លួនឲ្យហើយទៅ ដើម្បីទទួលយកភាពរីករាយ ទាំងទ្រព្យនិងសុភមង្គលផ្លូវចិត្តនៅពេលខាងមុខ។ យ៉ាងណាកំឡុងពេលនោះ សម្រាប់អ្នកកើតឆ្នាំរកា ក៏មានលាយឡំបញ្ហាបន្តិចបន្តួចដែរ តែមិនជាធំដល់ថ្នាក់គ្របលាភជិតនោះទេ៕