ហោរាសាស្រ្តប្រចាំថ្ងៃព្រហស្បតិ៍ ទី០៤ ខែសីហា ឆ្នាំ២០២២

ឆ្នាំជូត៖ រាសីល្អជាមធ្យម។នៅថ្ងៃនេះលោកអ្នកជួបបញ្ហានឿយហត់ ពិសេសរឿងរាវតូចធំតែងចូលយាយីច្រើនទៀតផង។ទោះបីយ៉ាងណាលោកអ្នកអាចមានជីវិតគាប់ប្រសើរជាងមុនបើសិនមានការព្យាយាមអត់ធ្មត់ក្នុងការបំពេញការងារ។សម្រាប់អ្នកប្រកបរបររកស៊ីជួញដូរក្នុងថ្ងៃនេះឱ្យប្រយ័ត្នពាក្យសម្តីបន្តិចព្រោះងាយប៉ះទង្គិចជាមួយមនុស្សនៅជុំវិញខ្លួនបង្កើតជារឿងរាវតូចធំណាស់ ។ រីឯបញ្ហាសេចក្តីស្នេហាប្រុសស្រីកុំចង់យកកំហឹងទល់កំហល់ប្រយ័ត្នកើតជម្លោះវិវាទឈានដល់ការបែកបាក់៕

ឆ្នាំឆ្លូវ៖ រាសីស្រុតចុះ។នៅថ្ងៃនេះដោយសារដួងរាសីស្រុតចុះ ម្ល៉ោះហើយទោះធ្វើអ្វីលោកអ្នកតែងប្រឈមនឹងបញ្ហារារាំងចំពោះច្រើនត្រូវឆ្លងកាត់ផង។លោកអ្នកធ្វើអ្វីក៏ដោយតោងតែប្រយ័ត្នប្រយែង និងចេះ មើលមុខក្រោយទើបពុំមានបញ្ហាមិនល្អណាមួយចោទឡើង។អ្នកប្រកបរបររកស៊ីជួញដូរពេលព្រឹកមានភាពរកាំរកូសច្រើនតែថ្ងៃបន្តិចពេលព្រះអាទិត្យរះពេញអាកាសវេហាឧបទ្រពចង្រៃទាំងពួងនឹងវិនាសជាអហោសិកម្មអស់ហើយលោកអ្នកប្រកបរបរពេញដៃពេញជើងឡើងវិញ។ រីឯសម្ព័ន្ធស្នេហាប្រុសស្រីមិនសូវចុះសម្រុងគ្នាប៉ុន្មានទេព្រោះតែម្នាក់ៗតែងយកអារម្មណ៍ខ្លួនឯងជាធំ៕

ឆ្នាំខាល៖ រាសីខ្ពស់ត្រដែត។អ្នកកើតឆ្នាំសេះពិសេសស្ត្រីនៅពេលនេះជិតឆ្លងផុតដួងរាសីខែមិនល្អហើយ ព្រោះឈានដល់ខែក្រោយដំណើរជីវិតនឹងផ្លាស់ប្តូរមករលូនទៅមុខនិងជឿនលឿន ដោយធ្វើអ្វីៗឈានទៅមុខគ្រាន់ជាកក់ក្តៅខ្លះមកវិញ។ដោយឡែកនៅថ្ងៃនេះវិញការបំពេញការងារមានលក្ខណះពេញដៃពេញជើងនិងជោគជ័យជានិច្ច។សម្រាប់អ្នកប្រកបរបររកស៊ីជួញដូរមានភាពកាក់កបគួរសមទាំងការជួញទីជិតឆ្ងាយដោយអាចប្រមូលផលចំណូលត្រឡប់មកផ្ទះវិញដូចគាប់បំណង។ការធ្វើដំណើរឆ្ងាយជិតជួបភាពសុខដុមដូចសព្វមួយដង។ រីឯបញ្ហាស្នេហាកំលោះក្រមុំពុំគប្បីលលេងជាមួយល្បែងកាមគុណប្រយ័ត្នជួបព្យុះជីវិតនាថ្ងៃខាងមុខចៀសពុំរួចហើយត្រូវមកខូចអនាគតភ្លឺស្វាងឥតអំពើ។

ឆ្នាំថោះ៖ រាសីល្អជាមធ្យម។បើគិតពីដំណើរជីវិតរបស់ស្ត្រីកើតឆ្នាំម្សាញ់ភាគច្រើនគឺនាពេលនេះ មានភាពសុខកាយ សប្បាយចិត្ត ប៉ុន្តែបុរសនៅតែទទួលរងនូវផលលំបាក ម្ល៉ោះហើយត្រូវតស៊ូទៅមុខបន្តិចទៀត។ដោយឡែកនៅថ្ងៃនេះវិញការប្រកបការងារឃើញថាមានការរីកលូតលាស់ទៅមុខសន្សឹមៗប៉ុន្តែយ៉ាងណាភាពរកាំចិត្តក៏តែងកើតមានច្រើនចំពោះមុខផង។ អ្នកប្រកបរបររកស៊ីជួញដូរបើលោកអ្នកចង់បើកធ្វើជំនួញនៅថ្ងៃនេះក៏ប្រសើរដែរពីព្រោះថាលាភប្រាក់កាសក៏តែងផ្តល់មកវិញគ្រាន់ជាទីទុកចិត្ត។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីចូរប្រយ័ត្នភាពប្រចែប្រច័ណ្ឌកើតជម្លោះវិវាទឈានដល់ការបែកបាក់៕

ឆ្នាំរោង៖ រាសីខ្ពស់ត្រដែត។មនុស្សយើងនៅពេលធ្វើអ្វីមួយ ហើយជួបបញ្ហាលំបាកនិងមានភាពតានតឹងមិនត្រូវរុញរាឬអស់ទឹកចិត្តឡើយ ត្រូវតស៊ូមានះនោះទើបរកឃើញជោគជ័យនាពេលក្រោយវិញ។ដោយឡែកនៅថ្ងៃនេះវិញផ្តល់ផលល្អសម្រាប់លោកអ្នកទំនាក់ទំនងការងារឬជាឱកាសល្អសម្រាប់ប្រកបពិធីអ្វីមួយផង។អ្នកប្រកបរបររកស៊ីជួញដូរក្នុងអំឡុងពេលនេះទោះជួញដូរទីកន្លែងណាលោកអ្នកតោងតែប្រយ័ត្នប្រយែងពីចំណូលបន្តិចព្រោះមានតិចតួច ឯការចំណាយវិញមានគ្រប់សារពើដែលអាចនាំឱ្យជះឥទ្ធិពលអាក្រក់នៅពេលក្រោយ។ រីឯបញ្ហាគូស្នេហ៍ប្រុសស្រីមានការរីកលូតលាស់ទៅមុខប្រពៃ ហើយបើចង់រៀបចំផ្សំផ្គុំគ្រូសារដោយការចូលស្តីដណ្តឹងក៏ជាពេលវេលាល្អប្រពៃណាស់៕

ឆ្នាំម្សាញ់៖ រាសីស្រុតចុះ។នៅថ្ងៃនេះស្ត្រីចូរប្រយ័ត្នរឿងរាវកើតឡើងព្រោះតែមាត់ យកល្អត្រូវរក្សាភាពស្ងាត់ស្ងៀមឬធ្វើមិនដឹងមិនឮបញ្ហាខ្លះទើបចៀសផុតនាំកម្មមកដាក់ខ្លួន។ក្រៅពីនេះការប្រកបការងារលោកអ្នកឱ្យប្រយ័ត្នបញ្ហាអារម្មណ៍ដែលងាយកើតជារឿងរាវជាមួយអ្នកដទៃណាស់។ក្នុងអំឡុងពេលនេះដែរចំពោះលោកអ្នកដែលចង់ពង្រីកមុខរបររកស៊ីជួញដូរគឺពុំសូវទទួលផលប្រយោជន៍អ្វីឡើយគឺបានត្រឹមមួយបង់កម្លាំងច្រើនជាង។ រីឯបញ្ហាគូស្នេហាប្រុសស្រីបើចង់ផ្តើមស្នេហ៍ជាមួយនរណាម្នាក់ងាយត្រូវរ៉ូវគ្នាហើយក៏ងាយបែកបាក់ទៅវិញផង៕

ឆ្នាំមមី៖ រាសីល្អជាមធ្យម។ដំណើរជីវិតស្ត្រីនៅពេលឆ្លងចូលខែមេសា មានភាពភ្លឺថ្លានិងមានជោគមានជ័យច្រើនឡើងវិញ។ទោះបីយ៉ាងណាសម្រាប់បុរសដំណើរជីវិតមិនសូវល្អដូចស្ត្រីទេ ពោលគឺទទួលរងការនឿយហត់មិនទាន់ស្បើយប៉ុន្មានទេ។ការប្រកបការងារនៅថ្ងៃនេះឃើញថា លោកអ្នកអាចមានរឿងមិនល្អឬស្តាប់រឿងរាវមិនល្អផង។ទោះបីយ៉ាងណារឿងរាវខ្លះគ្រាន់តែជារឿងមិនពិត ឯរឿងរាវខ្លះពិតដែលលោកអ្នកតោងតែចេះគិតឱ្យបានគ្រប់ជ្រុងជ្រោយ។សម្រាប់អ្នកប្រកបរបរកស៊ីជួញដូរនៅថ្ងៃនេះមានការចម្រើនលូតលាស់សន្សឹមៗទៅមុខ ប៉ុន្តែបញ្ហាជម្លោះក៏មានច្រើនដែរគប្បីមានការអត់ធ្មត់ធ្វើមិនដឹងមិនឮខ្លះទើបចៀសផុតរឿងរាវអំពលទុក្ខ។
រីឯបញ្ហាសេចក្តីស្នេហាប្រុសស្រីមានការប្រឆាំងនិងបង្កបញ្ហាចំពោះគ្នាច្រើន៕

ឆ្នាំមមែ៖ រាសីល្អជាមធ្យម។ក្នុងពេលនេះ លោកអ្នក ត្រូវរក្សាភាពនឹងធឹងមិនត្រូវយក ភាព មោហៈ ទោសៈ ដាក់ខ្លួនបានទេ ហើយត្រូវចេះផ្តល់ការ អភ័យទោស ឱ្យបានច្រើនទើបដំណើរជីវិតមានភាពសុខដុម និង មានការរីកលូតលាស់ជាងនេះ។អស់កាលកន្លងមកកិច្ចការងារបានចូលមកប៉ះទង្គិចច្រើនដូច្នេះធ្វើឱ្យលោកអ្នកទទួលរងលំបាកផ្លូវចិត្តមិនស្ទើរឡើយ។ សម្រាប់អ្នកប្រកបរបររកស៊ីជួញដូរមិនមានការប្រែប្រួលប្តូរផ្លាស់គួរជាទីកត់សម្គាល់ទេគឺដូចសព្វមួយដង។ រីឯបញ្ហាស្នេហាប្រុសស្រីមិនមានការរីកលូតលាស់ទៅមុខតែការឆ្កួតនឹងល្បែងស្នេហាខុសរបៀបមានច្រើន ហើយបើមិនខិតខំទប់ស្កាត់ទេប្រយ័ត្នត្រូវមកសោកការនៅពេលក្រោយដែលចង់មិនចង់ហួសពេលបាត់ទៅហើយ៕

ឆ្នាំវក៖ រាសីល្អជាមធ្យម។លោកអ្នកកើតឆ្នាំកណ្តុរឆ្លងដល់សប្តាហ៍ក្រោយ ឬ ឆ្លងផុតចូលដល់ខែមេសា ដំណើរជីវិតមានភាពភ្លឺថ្លាជាងនេះពិសេសស្ត្រីអាចមានការឡើងតួនាទី ឬបានទទួលកិច្ចការងារដែលប្រសើរជាងនេះផង។ការប្រកបការងារនៅថ្ងៃនេះមិនត្រូវហ៊ានពេកឬខ្លាចពេកឡើយពិសេសចៅហ្វាយនាយត្រូវចេះយកចិត្ត យកថ្លើមខ្លះទើបកាន់តែប្រសើរ។សម្រាប់អ្នកប្រកបរបររកស៊ីជួញដូរវិញដោយសារយីអ៊ុនពុំសូវល្អដូចនេះនាំឱ្យមានក្រុមមនុស្សតាមឈ្នានីស និង ព្យាបាទយាយីច្រើន ដូច្នេះត្រូវរក្សាភាពស្ងប់ស្ងាត់និង បិទភ្នែក បិទមាត់ខ្លះ។ រីឯបញ្ហាស្នេហាប្រុសស្រីមានការគិតផ្លូវអាក្រក់ចំពោះគ្នាច្រើនធ្វើឱ្យរកាំរកូសមិនស្ទើរដែរទេ៕

ឆ្នាំរកា៖ រាសីខ្ពស់ត្រដែត។នៅថ្ងៃនេះបញ្ហាតូចធំមួយចំនួនបានធូរស្បើយ ហើយបើធ្វើអ្វីៗឃើញថាជឿនលឿនគួរសម។ការប្រកបការងារមានការជឿនលឿនទៅមុខឥតថយក្រោយទេ ពិសេសក្រុមមនុស្សតែងមិនសូវហ៊ានយាយីថែមទៀត។អ្នកប្រកបរបររកស៊ីជួញដូរវិញបើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។ រីឯបញ្ហាសេចក្តីស្នេហាប្រុសស្រីកុំជ្រួលជ្រើមខុសបែបបទប្រយ័ត្ននាំក្តីទុក្ខលំបាកមកវិញ៕

ឆ្នាំច៖ រាសីល្អជាមធ្យម។នៅថ្ងៃនេះទោះបីលោកអ្នកធ្វើអ្វីក៏ដោយត្រូវចេះធ្វើសន្សឹមៗកុំបំបោល ហើយមិនត្រូវលោភលន់ឡើយបើពុំនោះទេពិតជាជួបរឿងដូចពាក្យចាស់ថាចង់ចំណេញពិតជាដាច់ចំណងជាក់ជាពុំខាន។ពាក់ព័ន្ធការងារថ្ងៃនេះឃើញថាបើទាក់ទងបញ្ហាប្រាក់កាសលោកអ្នកគប្បីប្រយ័ត្នប្រយែងបន្តិចពីព្រោះងាយហូរធ្លាយនិងចាញ់បោកគេណាស់ដែរ។សម្រាប់អ្នកប្រកបរបររកស៊ីជួញដូរក្នុងអំឡុងពេលនេះមុជមិនជ្រៅទៅមិនឆ្ងាយប៉ុន្មានទេហើយទាល់តែខិតខំខ្លាំងទើបសម្រេចកិច្ចការធំៗទៅរួច។ រីឯសេចក្តីស្នេហាប្រុសស្រីជួបបញ្ហាងាយថយក្រោយតែពិបាករុលទៅមុខហើយបើមានជម្លោះវិវាទផងងាយបាក់បែកណាស់ដែរ៕

ឆ្នាំកុរ៖ រាសីស្រុតចុះ។នៅថ្ងៃនេះលោកអ្នកគប្បីមានការប្រយ័ត្នប្រយែងបន្តិចក្នុងការរស់នៅពីព្រោះថារឿងរាវងាយរត់ចូល ហើយបើជារបស់របរងាយខូចខាតនិងបាត់បង់ជាងសព្វមួយដង។នៅថ្ងៃនេះមានបញ្ហារាំងស្ទះខ្លះៗយាយីហេតុនេះបើមានការប្រឹងប្រែងតែងទទួលជោគជ័យត្រឡប់មកវិញខ្លះៗផង។សម្រាប់អ្នកប្រកបរបររកស៊ីជួញដូរមានការជឿនលឿនទៅមុខតិចតួច ហើយបើថយក្រោយនោះក៏មានច្រើន។ការធ្វើដំណើរឆ្ងាយជិតចូរប្រយ័ត្នកើតបញ្ហាណាមួយដោយសារអ្នកដទៃបង្កឡើង។ រីឯបញ្ហាសេចក្តីស្នេហាកំលោះក្រមុំមានការងាយទាំងផ្អែមល្ហែមហើយក៏ងាយកើតរឿងរាវទាស់ទែង៕