នៅថ្ងៃសៅរ៍ ទី០៣ ខែធ្នូ ឆ្នាំ២០២២នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖
ឆ្នាំជូត៖ រាសីស្រុតចុះ។ ក្នុងអំឡុងខែធ្នូនេះដួងរាសីបានធ្លាក់ស្រុតចុះ ម្ល៉ោះហើយបញ្ហានានាតែងរត់ចូលនិងដំណើរជីវិតជួបនូវលើកំណាត់ផ្លូវរដិបរដុបច្រើនគប្បីអត់ធ្មត់និងប្រយ័ត្នប្រយែង។បើមានការប្រកបការងារច្រើនតែពុំសូវមានការចុះសម្រុងជាមួយអ្នកដទៃឡើយ ហើយពិសេសឱ្យប្រយ័ត្នគេទម្លាក់កំហុសឱ្យថែមទៀត។សម្រាប់ថ្ងៃនេះដែរដោយសារដួងរាសីដាំក្បាលចុះ ដូចនេះការប្រកបរបររកស៊ីជួញដូរមានការថយចុះច្រើនបន្តិច ហើយបើមានបើករបរថ្មីផងតែងមិនសូវសមដូចបំណងប៉ុន្មានទេ។ការធ្វើដំណើរទីជិតឆ្ងាយពុំសូវមានសុវត្តិភាពឡើយចូរប្រយ័ត្នឧប្បតិ្តហេតុយាយី។ រីឯសម្ព័ន្ធស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំឆ្លូវ៖ រាសីល្អជាមធ្យម។លោកអ្នកកើតឆ្នាំឆ្លូវឈានចូលខែធ្នូនេះដួងរាសីរបស់លោកអ្នកត្រឹមកម្រិតមធ្យម។សម្រាប់ខែវិច្ឆិកាកន្លងមកដួងរាសីខែធ្លាក់ស្រុតចុះជួបបញ្ហាប្រទាំងប្រទើសនិងមានបញ្ហារត់ចូលច្រើន។ការប្រកបការងារក៏ដូច្នេះដែរលោកអ្នកតោងតែប្រយ័ត្នប្រយែង ហើយឱ្យគិតដល់ផលប៉ះពាល់ដល់ខែក្រោយបន្តទៀត។អ្នកប្រកបរបររកស៊ីជួញដូរបើចង់បោះទុនតូចធំតែងហុចផ្លែផ្កាមកវិញគ្រាន់គាប់ប្រសើរគួរសម ហើយក៏មានការរីកលូតលាស់ទៅមុខឥតមានព្រួយបារម្ភនោះដែរ។ បញ្ហាសម្ព័ន្ធស្នេហាកំលោះក្រមុំ កំពុងមានភាពស្រស់ស្រាយប្រៀបដូចត្រីក្នុងទឹកនារដូវខែវស្សា៕
ឆ្នាំខាល៖ រាសីខ្ពស់ត្រដែត។ ការរស់នៅដោយសារតែរាល់ចង្រៃឧបទ្រព និងឧបសគ្គត្រូវបានសាបរលាបបាត់ស្រមោលអស់រលីងនោះធ្វើឱ្យដំណើរជីវិតមានភាពសុខដុមគ្រាន់គាប់ប្រសើរឡើងវិញ។ ការប្រកបការងារក្នុងថ្ងៃនេះទោះដួងរាសីថ្ងៃល្អប្រសើរក្តី ប៉ុន្តែលោកអ្នកមិនអាចធ្វើអ្វីដោយការមិនប្រយ័ត្នប្រយែងបាននោះឡើយ បើពុំនោះផលលំបាកងាយធ្លាក់មកឱ្យរែកពន់ណាស់។សម្រាប់អ្នកប្រកបរបររកស៊ីជួញដូរវិញមានការចម្រើនលូតលាស់ទៅមុខ ដូច្នេះ ជាឱកាសល្អក្នុងការផ្លាស់ប្តូរមុខរបរ ឬ បើកធ្វើជំនួញតូចធំបំផុត។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានការយកចិត្តទុកដាក់និងផ្អែមល្ហែមល្អចំពោះគ្នាគ្រាន់បើ៕
ឆ្នាំថោះ៖ រាសីខ្ពស់ត្រដែត។ ក្នុងថ្ងៃនេះលោកអ្នកមានជោគសិរីគួរសម ម្ល៉ោះហើយទោះធ្វើអ្វីក៏ដោយតែងទទួលបានផលសម្រេចតាមក្តីប៉ងប្រាថ្នាសឹងទាំងអស់ និង ព្រមទាំងមានបងប្អូនញាតិមិត្តជួយជ្រោមជ្រែងទៀតផង។ក្រៅពីនេះការបំពេញការងារមានការចម្រើនលូតលាស់និងកំពុងកើតវាលកាលត្រជាក់ត្រជុំល្អប្រពៃ។ចំពោះអ្នកប្រកបរបររកស៊ីជួញដូរវិញការចេញធ្វើជំនួញមិនថាផ្លូវគោកផ្លូវទឹកផ្លូវអាកាសក្តីតែងមានភាពសុខដុម ហើយផលកម្រៃទៀតសោតបានគ្រាន់បំពេញឆ្នាំបាយ។ចូរលោកអ្នកធ្វើបុណ្យដាក់ទានខ្លះដើម្បីសន្សំសេចក្តីសុខទៅគ្រាខាងមុខ។ សម្ព័ន្ធស្នេហាប្រុសស្រីកុំគប្បីយកភាពប្រកែប្រកាន់ដាក់ខ្លួនច្រើននាំតែកើតរឿងសៅហ្មងចំពោះគ្នាប៉ុណ្ណោះ៕
ឆ្នាំរោង៖ ថ្ងៃនេះដួងរាសីល្អជាមធ្យម។លោកអ្នកកើតឆ្នាំរោងឆ្លងផុតខែវិច្ឆិកា ដែលជាខែដួងរាសីខ្ពស់ត្រដែតហើយ ។សម្រាប់ខែធ្នូនេះដួងរាសីបានស្រុតចុះបន្តិចវិញធ្វើឱ្យជួបនូវឧបសគ្គច្រើន នាំពិបាកឆ្លងកាត់ផងដែរ។នៅថ្ងៃនេះអ្វីដែលមិនល្អនឹងប្រែប្រួលមកល្អវិញជាបណ្តើរៗតែយ៉ាងណាបញ្ហាប្រាក់កាសលោកអ្នកតោងតែប្រយ័ត្នប្រយែងបន្តិចពីព្រោះថាងាយទទួលរងខាតបង់ច្រើន។ចំពោះអ្នកប្រកបរបររកស៊ីជួញដូរក៏ដូច្នេះដែរការចង់បោះទុនទៅលើអ្វីមួយត្រូវមើលមុខមើលក្រោយព្រោះផ្លែផ្កាទទួលបានមកវិញមានភាពយ៉ាប់យ៉ឺនណាស់។ រីឯបញ្ហាសេចក្តីស្នេហាកំលោះក្រមុំពុំមានការចុះសម្រុងគ្នាប៉ុន្មានទេពិសេសងាយកើតទំនាស់សម្តីព្រោះតែការមិនយល់ចិត្តគ្នា៕
ឆ្នាំម្សាញ់៖ រាសីស្រុតចុះ។អ្នកកើតឆ្នាំម្សាញ់ឈានចូលខែធ្នូនេះដួងរាសីរបស់លោកអ្នកមានកម្រិតត្រឹមមធ្យម។ការរស់នៅនិងប្រកបការងារពុំមានអ្វីប៉ះពាល់ ឬជួបឧបសគ្គច្រើននោះឡើយ។នៅថ្ងៃនេះដួងរាសីរបស់លោកអ្នកបានស្រុតចុះ ហេតុនេះបើចង់ធ្វើអ្វីឃើញថាមិនជឿនលឿនទៅមុខប៉ុន្មានទេពិសេសធ្វើច្រើនបែរជាបានផលតិចទៅវិញទៀតផង។អ្នកប្រកបរបររកស៊ីជួញដូរមិនថាការជួញទីជិតឆ្ងាយជួបសេចក្តីសុខដុមដោយអាចប្រមូលភោគផលចូលផ្ទះវិញគួរជាទីកក់ក្តៅ។ រីឯបញ្ហាសេចក្តីស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំមមី៖ រាសីខ្ពស់ត្រដែត។អ្នកកើតឆ្នាំមមីបានឆ្លងផុតខែវិច្ឆិកា ដែលជាខែដួងរាសីល្អជាមធ្យមហើយ។ សម្រាប់ខែធ្នូនេះដួងរាសីរបស់លោកអ្នកត្រឡប់មកឡើងខ្ពស់វិញ។ក្នុងថ្ងៃនេះដែរដោយសារដួងរាសីឡើងខ្ពស់ ដូចនេះលោកអ្នកអាចសម្រុកការងារពេញទីបានហើយ ពីព្រោះថាផលល្អៗតែងឆ្លើយតបមកវិញជានិច្ចផង។ សម្រាប់អ្នកប្រកបរបររកស៊ីជួញដូរជួបរឿងប្រទាំងប្រទើសច្រើនបន្តិចតែយ៉ាងណាប្រាក់ចំណូលគ្រាន់នៅមួយទប់ទល់ផងដែរ។ រីឯបញ្ហាសេចក្តីស្នេហាប្រុសស្រីមានភាពផ្អែមល្ហែមដូចទឹកឃ្មុំ៕
ឆ្នាំមមែ៖ រាសីល្អជាមធ្យម។ឈានចូលខែធ្នូនេះ ដួងរាសីលោកអ្នកបានផ្លាស់ប្តូរពីធ្លាក់ស្រុតចុះ មកជាល្អប្រសើរឡើងវិញ។ទាំងការរស់នៅ និងប្រកបការងារមានភាពភ្លឺថ្លា និង មានជោគជ័យជានិច្ច។ការប្រកបកិច្ចការងារនៅថ្ងៃនេះវិញឃើញថាពេលព្រឹកពុំសូវល្អសោះឡើយ ដូចនេះបើមានចាប់កាន់កិច្ចការអ្វីមួយថ្មីថ្មោងផងចូរប្រយ័ត្នការមានកំហុស ហើយបើជាការងារជាកូនឈ្នួលគេផងងាយត្រូវថៅកែបណ្តេញចេញណាស់ដែរ។សម្រាប់អ្នកប្រកបរបររកស៊ីជួញដូរមិនមានការលូតលាស់ទៅមុខគួរជាទីកត់សម្គាល់ទេគឺមានដំណើរថយក្រោយច្រើនជាង ដូចនេះបើចង់ធ្វើអ្វីមួយធំដុំគួរមានការប្រយ័ត្នប្រយែងឱ្យបានខ្លាំងក្លា។ រីឯបញ្ហាសេចក្តីស្នហាកំលោះក្រមុំឬពោះម៉ាយមេម៉ាយក្តីមានដំណើរពុំល្អទេចូរប្រយ័ត្នក្រុមមនុស្សចូលមកបំបែកដោយប្រការណាមួយ៕
ឆ្នាំវក៖ រាសីល្អជាមធ្យម។ការរស់នៅលោកអ្នកមិនត្រូវហ្វេសប្រហែសពិសេសបញ្ហាប្រាក់កាសនិងរបស់ទ្រព្យមានតម្លៃងាយត្រូវចាញ់បោកគេនិងបាក់បែកខូចខាតណាស់ ។នៅថ្ងៃនេះបើមានការប្រកបការងារហាក់មិនជឿនលឿនទៅមុខទេពោលគឺនៅទ្រឹងមួយកន្លែងច្រើនជាង ។អ្នកប្រកបរបររកស៊ីជួញដូរមិនត្រូវយកភាពឈ្នានីសឬមាត់ឌឺដងដល់អ្នកដទៃឡើយព្រោះងាយកើតជម្លោះវិវាទណាស់ ហើយស្រួលមិនស្រួលកើតរឿងរាវប្រកាប់ប្រចាក់គ្នាថែមទៀត។ រីឯគូគ្រងប្តីប្រពន្ធឬគូស្នេហ៍ប្រុសស្រីមានការរកាំចិត្តព្រោះតែម្នាក់ៗចិត្តខ្លាំងរៀងៗខ្លួននិងមិនសូវចេះអត់ឱនឱ្យគ្នាឡើយ៕
ឆ្នាំរកា៖ រាសីធ្លាក់ស្រុតចុះ។ ឆ្លងចូលខែធ្នូនេះដួងរាសីរបស់លោកអ្នកបានធ្លាក់ស្រុតចុះខ្លាំងបន្តិច ម្ល៉ោះហើយដំណើរជីវិតធ្លាប់តែមានជោគសិរី បានប្រែមកអួរអាប់និងជួបបញ្ហាច្រើនផងដែរ។នៅថ្ងៃនេះដំណើរជីវិតរបស់លោកអ្នកមិនល្អប្រសើរប៉ុន្មានទេពីព្រោះថាផលមិនល្អតែងចូលមកយាយីដែលត្រូវពិបាកក្នុងការឆ្លងកាត់។អ្នកប្រកបរបររកស៊ីជូញដូរបើលោកអ្នកមានបើករបរ រយះពេលខ្លីៗតែងអាចរកផលកម្រៃគ្រាន់បើផងដែរ ហើយបើរកស៊ីធំដុំពុំសូវកាក់កបប៉ុន្មានទេពិសេសឱ្យប្រយ័ត្នជួបគ្រោះចាញ់បោកគេថែមទៀត។ រីឯបញ្ហាសម្ព័ន្ធស្នេហាកំលោះក្រមុំមានការចាប់កំហុស និង ប្រឆាំងគ្នាច្រើន ហើយបើលោកអ្នកមិនកាត់បន្ថយភាពជម្លោះវិវាទទេប្រយ័ត្នឈានដល់ការបែកបាក់៕
ឆ្នាំច៖ រាសីខ្ពស់ត្រដែត។លោកអ្នកកើតឆ្នាំចឆ្លងចូលខែថ្មីដែលជាខែធ្នូនេះដំណើរជីវិតបានផ្លាស់ប្តូរមកល្អប្រសើរ ហើយអ្វីៗដែលធ្លាប់តែអាក្រក់នឹងប្តូរមកល្អវិញផងដែរ។ក្រៅពីនេះបុរសដែលធ្លាប់ជួបស្ថានភាពលំបាកកាលពីខែមុនដំណើរជីវិតក៏ចាប់ផ្តើមភ្លឺថ្លានិងមានជោគជ័យវិញដែរ។សម្រាប់នៅថ្ងៃនេះវិញផ្តល់ផលល្អសម្រាប់លោកអ្នកទំនាក់ទំនងការងារឬប្រកបពិធីអ្វីមួយផង។អ្នកប្រកបរបររកស៊ីជួញដូរការចេញធ្វើជំនួញទីជិតឆ្ងាយមានភាពលូតលាស់ទៅមុខប្រពៃហើយការរកផលកម្រៃទៀតសោតក៏ល្មមគ្រាន់ជាទីកក់ក្តៅ។ រីឯបញ្ហាសេចក្តីស្នេហាប្រុសស្រីមានភាពកក់ក្តៅនិងប្រាស្រ័យទាក់ទងគ្នាដូចសព្វមួយដង៕
ឆ្នាំកុរ៖ រាសីល្អជាមធ្យម។លោកអ្នកកើតឆ្នាំកុរឈានចូលខែធ្នូនេះដួងរាសីបានផ្លាស់ប្តូរមកល្អប្រសើរវិញ ម្ល៉ោះហើយធ្វើឱ្យដំណើរជីវិតមានភាពរលូនល្អនិងធ្វើអ្វីៗក៏តែងហុចជាលទ្ធផលគ្រាន់គាប់ប្រសើរដែរ ។ការប្រកបការងារវិញ លោកអ្នកងាយកើតនូវបញ្ហាទំនាស់ជាមួយអ្នកដទៃណាស់ ហេតុនេះគប្បីមានការប្រយ័ត្នប្រយែងបន្តិចទើបប្រសើរ។ចំពោះអ្នកប្រកបរបររកស៊ីជួញដូរមិនថាការជួញទីជិតឆ្ងាយជួបសេចក្តីសុខដុម ដោយអាចប្រមូលភោគផលចូលផ្ទះវិញគួរជាទីកក់ក្តៅ តែយ៉ាងណាឱ្យប្រយ័ត្នជួបគ្រោះបាត់របស់របរបន្តិច។ រីឯសម្ព័ន្ធគូស្នេហ៍កំលោះក្រមុំកុំគប្បីយកភាពមោហៈទោសៈដាក់ខ្លួននាំតែកើតរឿងរាវរកាំរកូសឈានមិនដល់ខ្លោងទ្វារ អាពាហ៍ពិពាហ៍៕