នៅថ្ងៃព្រហស្បតិ៍ ទី០៨ ខែធ្នូ ឆ្នាំ២០២២នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖
ឆ្នាំជូត៖ រាសីធ្លាក់ស្រុតចុះ។ឈានចូលខែនេះដួងរាសីរបស់លោកអ្នកបានធ្លាក់ស្រុតចុះ ម្ល៉ោះហើយធ្វើឱ្យដំណើរជីវិតបានផ្លាស់ប្តូរមកជួបស្ថានភាពលំបាក និង ធ្វើអ្វីក៏មានតែបញ្ហាច្រើនដែរ។ការប្រកបការងារវិញត្រូវចេះដោះស្រាយរឿងចាស់ឬរឿងអ្វីមួយឱ្យបានល្អទើបគ្មានបញ្ហាចោទឡើង។សម្រាប់អ្នកប្រកបរបររកស៊ីជួញដូរពុំមានការរីកលូតលាស់ទៅមុខគួរជាទីកត់សម្គាល់ទេ ហើយក៏មិនមានការថយក្រោយដែរគឺដូចសព្វមួយដង។ រីឯបញ្ហាសម្ព័ន្ធស្នេហាកំលោះក្រមុំជួបរឿងខ្វាយខ្វល់ព្រោះតែម្នាក់ៗប្រកាន់ចិត្តខ្លាំង ម្ល៉ោះហើយការកើតរឿងរាវប្រទាំងប្រទើសងាយផ្ទុះឡើងណាស់៕
ឆ្នាំឆ្លូវ៖ រាសីល្អជាមធ្យម។ការរស់នៅឃើញថាដំណើរជីវិតរបស់លោកអ្នកចាប់ផ្តើមនឿយហត់ និងជួបស្ថានភាពលំបាក ហេតុនេះត្រូវអត់ធ្មត់តស៊ូទើបឆ្លងកាត់គ្រាលំបាកទាំងនេះទៅរួច។ការប្រកបការងារវិញនាថ្ងៃនេះមិនសូវរីកចម្រើនទេពោលគឺមានការថយក្រោយនិងមានបញ្ហាច្រើន។អ្នកប្រកបរបររកស៊ីជួញដូរវិញមុនប្រគល់ទំនិញ ឬទទួលមុខទំនិញសព្វសារពើចូរចេះពិនិត្យមើលគុណភាព និង រាប់ចំនួនមើលឱ្យបានច្បាស់លាស់ទើបមិនចាញ់បោកគេ។ សម្ព័ន្ធស្នេហាកំលោះក្រមុំមានដំណើរថយក្រោយហើយប្រឆាំងគ្នាច្រើនចូរប្រយ័ត្នកើតជម្លោះវិវាទណាមួយនាំត្រូវឈឺផ្សារផ្លូវចិត្ត៕
ឆ្នាំខាល៖ រាសីល្អជាមធ្យម។ លោកអ្នកកើតឆ្នាំខាលក្នុងសប្តាហ៍នេះឃើញថាដំណើរជីវិតរបស់លោកអ្នកលូតលាស់សន្សឹមៗទៅមុខ ហើយធ្វើអ្វីក៏ពុំមានបញ្ហាចោទឡើងគួរកត់សម្គាល់ឡើយ។ការប្រកបការងារក្នុងថ្ងៃនេះវិញលោកអ្នកធ្វើអ្វីត្រូវចេះគ្រប់គ្រងអារម្មណ៍ និងមិនត្រូវយកចិត្តក្តៅដាក់ខ្លួនឡើយពីព្រោះថាផលអាក្រក់នោះមានចំពោះមុខច្រើនជាងសព្វមួយដង។ចំណែកអ្នកប្រកបរបររកស៊ីជួញដូរវិញជួបបញ្ហាស្មុគស្មាញ និងពិសេសមិនត្រូវឱ្យអតិថិជនជំពាក់ប្រាក់កាសឡើយប្រយ័ត្នទារវិញមិនបានកើតជំលោះវិវាទថែមទៀត។ស្នេហាប្រុសស្រីកុំគប្បីចង់ទុំមុនស្រគាលប្រយ័ត្នជួបរឿងប្រុសប្រកែកស្រីប្រកាន់ស្រួលមិនស្រួលខូចកិត្តិយសហើយជាប់ទោសពៃរ៍ឥតអំពើ៕
ឆ្នាំថោះ៖ រាសីខ្ពស់ត្រដែត។សម្រាប់បុរសកើតឆ្នាំទន្សាយនាអំឡុង ខែវិចិ្ឆកា កន្លងមកបានជួបនូវដំណើរជីវិតមិនល្អ ប៉ុន្តែឆ្លងចូលខែថ្មីនេះឃើញថាបានផ្លាស់ប្តូរមកល្អឡើងវិញ ម្ល៉ោះហើយចង់ធ្វើអ្វីតែងហុចជាលទ្ធផលឆ្លើយតបគ្រាន់ជាទីគាប់ចិត្ត។ដោយឡែកនៅថ្ងៃនេះវិញដោយសារដួងរាសីឡើងខ្ពស់ ម្ល៉ោះហើយការប្រកបកិច្ចការអ្វីភ្លឺថ្លា ហើយធ្វើអ្វីឃើញថាជឿនលឿននិងផ្តល់ជាផ្លែផ្កាគ្រាន់ជាទីពេញចិត្ត។ចំណែកអ្នកប្រកបរបររកស៊ីជួញដូរមានការជឿនលឿនទៅមុខល្អ ហើយបើចង់បើករបរអ្វីមួយថ្មីផងក៏ជាឱកាសល្អប្រពៃបំផុត។ រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីមានការលូតលាស់ទៅមុខនិងបើចង់ផ្សំផ្គុំគ្រួសារជាឱកាសល្អណាស់ដែរ៕
ឆ្នាំរោង៖ រាសីល្អជាមធ្យម។អ្នកកើតឆ្នាំរោងឆ្លងចូលខែនេះដំណើរជីវិតបានផ្លាស់ប្តូរមកភ្លឺថ្លា ពិសេសបុរសដែលធ្លាប់តែជួបនូវគ្រោះយាយីកន្លងមកក៏ត្រូវសាបរលាបនិងរលាយបាត់ទៅឆ្ងាយផងដែរ។ដោយឡែកនៅថ្ងៃនេះវិញលោកអ្នកក៏តោងតែប្រយ័ត្នផងដែរពីព្រោះថាជួបស្ថានភាពតានតឹងច្រើនហើយកិច្ចការងារធ្វើច្រើនខុសច្រើនទៀតផង។ លោកអ្នកដែលចង់ពង្រីកមុខជំនួញដោយសារទ្រព្យដែលជាលាភហេងមានការខ្សត់ខ្សោយ ដូចនេះមិនត្រូវហ៊ានបោះទុនរកស៊ីដោយចំណាយទុនធំដុំឡើយប្រយ័ត្នដាក់ប្រាក់ទុនទៅកប់សូន្យឈឹង។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីកុំឃើញភ្លាមស្រឡាញ់ភ្លែតឬចង់យកល្បែងនេះលេងសើចប្រយ័ត្ននាំកើតរឿងរាវដំបៅទ្រូងនៅថ្ងៃខាងមុខ៕
ឆ្នាំម្សាញ់៖ រាសីល្អជាមធ្យម។ឆ្លងចូលខែថ្មីនេះដំណើរជីវិតរបស់លោកអ្នកពុំមានឧបសគ្គអ្វីចូលមករារាំងបិទបាំងដំណើរនាំជួបការលំបាកពុះពារច្រើននោះឡើយ។ទោះបីយ៉ាងណាក្នុងសប្តាហ៍នេះនៅមានឧបសគ្គមួយចំនួនចូលមកយាយីដែរគប្បីប្រយ័ត្នប្រយែងពោលគឺមិនទាន់ជិះសេះលែងដៃបាននៅឡើយដែរ។ដោយឡែកនៅថ្ងៃនេះវិញការប្រកបការងារពុំមានអ្វីប្រែប្រួលប្តូរផ្លាស់ទេគឺដូចសព្វមួយដង។អ្នកប្រកបរបររកស៊ីជួញដូរការរកផលចំណូលមិនត្រូវឱ្យអតិថិជនជំពាក់ប្រាក់ច្រើនទ្បើយប្រយ័ត្នជួបរឿងដូចពាក្យចាស់ថាពេលឱ្យជំពាក់ធូរដូចទឹកហូរ ឯការសងមកវិញតឹងដូចអូសឫស្សីបញ្ច្រាសចុងហើយស្រួលមិនស្រួលកើតមានជម្លោះវិវាទគ្នាថែមទៀត។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានភាពផុយស្រួយជម្លោះវិវាទ ណាស់គប្បីប្រយ័ត្នប្រយែង៕
ឆ្នាំមមី៖ រាសីខ្ពស់ត្រដែត។អ្នកកើតឆ្នាំមមីអំឡុងពេលនេះហាក់មានជោគសំណាងជាងឆ្នាំផ្សេងៗដោយសារថាក្នុងខែនេះដួងរាសីឡើងខ្ពស់ ហើយឆ្លងចូលខែមករាញាខាងមុខដួងរាសីក៏នៅតែខ្ពស់ត្រដែតដដែល។ហេតុនេះទោះធ្វើអ្វីតែងមានជោគលាភ និងមានផ្លែផ្កាជានិច្ច។ដោយឡែកនៅថ្ងៃនេះវិញលោកអ្នកប្រកបកិច្ចការងារអ្វីបើមានការតាំងចិត្តល្អនោះឃើញថាតែងហុចផលល្អៗមកវិញច្រើនជាក់ជាពុំខាន។ អ្នកប្រកបរបររកស៊ីជួញដូរបើចង់រកស៊ីចូលហ៊ុនជាមួយអ្នកដទៃឃើញថាមិនគាប់ប្រសើរប៉ុន្មានទេ ប៉ុន្តែបើចង់បោះទុនតូចធំសម្រាប់ខ្លួនឯងវិញឃើញថាគាប់ប្រសើរជាង។ សម្ព័ន្ធស្នេហាប្រុសស្រីបើពុំទាន់មានគូគាប់ជាឱកាសល្ពក្នុងការស្វែងរកបំផុត៕
ឆ្នាំមមែ៖ រាសីខ្ពស់ត្រដែត។អ្នកកើតឆ្នាំមមែឆ្លងចូលខែថ្មីដែលជាខែធ្នូនេះដំណើរជីវិតរបស់លោកអ្នកបានផ្លាស់ប្តូរមកល្អប្រសើរឡើងវិញ ម្ល៉ោះហើយរាល់កិច្ចការងារឬធ្វើអ្វីមួយតែងទទួលនូវជោគសិរីគាប់ប្រសើរគួរសម។ការប្រកបការងារនៅថ្ងៃនេះពុំមានអ្វីប្រទាំងប្រទើសគួរកត់សម្គាល់ទេគឺដូចសព្វមួយដងហើយបញ្ហាមួយចំនួនទោះធ្លាប់យាយីអុកឡុកក៏បានធូរស្បើយមួយកម្រិតដែរ។សម្រាប់អ្នកប្រកបរបររកស៊ីជួញដូរការចេញធ្វើជំនួញទីជិតឆ្ងាយមិនសូវជោគជ័យដូចបំណងប៉ុន្មានទេឬអាចនិយាយបានថាគ្រាន់មួយទប់ទល់។ រីឯបញ្ហាគូគ្រងប្តីប្រពន្ធឬគូស្នេហ៍ប្រុសស្រីមានការចង់ចាញ់ឈ្នះនិងងាយមានជម្លោះវិវាទបន្តិច ហេតុនេះគួរមានការប្រយ័ត្នប្រយែងពាក្យសម្តីបន្តិចទើបចៀសផុតពីជម្លោះកើតឡើងទៅរួច៕
ឆ្នាំវក៖ រាសីល្អជាមធ្យម។លោកអ្នកកើតឆ្នាំវកនៅពេលនេះដំណើរជីវិតល្អគួរសម ហេតុនេះបើចង់ធ្វើអ្វីអាចសម្រុកបានហើយ ពីព្រោះថាឆ្លងដល់ខែក្រោយគឺ ខែមករាដើមឆ្នាំ២០២៣ ដួងរាសីធ្លាក់ស្រុតចុះធ្វើឱ្យស្ថានភាពជួបការលំបាកមកវិញ។ការប្រកបការងារថ្ងៃនេះមានលេចចេញនូវរឿងរាវមិនល្អខ្លះៗកើតឡើងនាំឱ្យពុំសូវសុខស្រួលចិត្តប៉ុន្មានឡើយ។ អ្នកប្រកបរបររកស៊ីជួញដូរនៅថ្ងៃនេះដែរពុំមានការចម្រើនលូតលាស់ទេគឺមានការដើរថយក្រោយច្រើនជាង ដូចនេះលោកអ្នកតោងតែមានការប្រយ័ត្នប្រយែងបើពុំនោះទេផលចំណូលនឹងថយចុះថែមទៀត។ រីឯបញ្ហាសេចក្តីស្នេហាកំលោះក្រមុំមានការប្រឆាំងគ្នានិងមិនសូវមានការរីកលូតលាស់ទៅមុខទេ៕
ឆ្នាំរកា៖ រាសីស្រុតចុះ។ឆ្លងចូលខែនេះដួងរាសីលោកអ្នកកើតឆ្នាំរកាបានធ្លាក់ស្រុតចុះខ្លាំង ម្ល៉ោះហើយធ្វើឱ្យដំណើរជីវិតបានផ្លាស់ប្តូរមកអាក្រក់វិញ។លោកអ្នកខ្លះអាចជួបនូវឧបសគ្គនិងរឿងរាវច្រើនធ្វើឱ្យពុំសូវសុខស្រួលចិត្តប៉ុន្មានឡើយ។នៅថ្ងៃនេះដែរការប្រកបការងារបើចង់ធ្វើអ្វីក៏តែងជួបផលលំបាកច្រើន ម្ល៉ោះហើយគប្បីមានការប្រយ័ត្នប្រយែងបន្តិចទើបគ្មានបញ្ហាមិនល្អណាមួយឈានចូលរួច។សម្រាប់អ្នកប្រកបរបររកស៊ីជួញដូរទោះលោកអ្នកជួញទីជិតឆ្ងាយមិនថា ផ្លូវគោក ផ្លូវទឹក ក្តីចំណូលមិនច្រើន តែក៏មានភាពសុខដុមល្អ។ សេចក្តីស្នេហាកំលោះក្រមុំជួនត្រូវរ៉ូវជួនរកាំចិត្តមិនសូវទៀតទាត់សោះឡើយ៕
ឆ្នាំច៖ រាសីល្អជាមធ្យម។ឈានចូលខែថ្មីនេះសូមសម្តែងការរីករាយចំពោះលោកអ្នកកើតឆ្នាំចផងដែរ ពិសេសបុរសដែលបានពុះពារឆ្លងផុតដួងរាសីខែមិនល្អ ហើយឆ្លងចូលខែថ្មីនេះដំណើរជីវិតរបស់លោកអ្នកងើបខ្ពស់ឡើងបន្តិចវិញ ធ្វើឱ្យមិនជួបបញ្ហាច្រើនដូចខែកន្លងមកឡើយ។ដោយឡែកនៅថ្ងៃនេះអ្នកប្រកបការងារពុំមានអ្វីលេចធ្លោទេគឺអ្វីៗដូចសព្វមួយដង។ការធ្វើជំនួញឆ្ងាយជិតឃើញថាពិបាករកប្រាក់ចំណូលខ្លាំងដែរ ហើយពិសេសងាយមានរឿងរាវចូលលុកលុយថែមទៀត។ សម្ព័ន្ធស្នេហាកំលោះក្រមុំហាក់ពុំជឿនលឿនទៅមុខ ហើយក៏មិនថយក្រោយដែរ៕
ឆ្នាំកុរ៖ រាសីខ្ពស់ត្រដែត។ក្នុងខែតុលា និង ខែវិច្ឆិកា ជាខែអាក្រក់ ពីព្រោះថាជាខែដួងរាសីធ្លាក់ស្រុតចុះធ្វើឱ្យដំណើរជីវិតលោកអ្នកជួបនូវបញ្ហារដិបរដុបច្រើនត្រូវឆ្លងកាត់។ដោយឡែកនៅថ្ងៃនេះវិញដំណើរជីវិតគាប់ប្រសើរប្រពៃ ម្ល៉ោះហើយផ្តល់ផលល្អសម្រាប់លោកអ្នកចាត់ចែងការងារសំខាន់ឬការងារធំដុំពីព្រោះថាផលល្អតែងហុចមកវិញដូចជាទីពេញចិត្ត។អ្នកប្រកបរបររកស៊ីជួញដូរទោះជួញទីជិតឆ្ងាយការរកផលកម្រៃមានភាពធូរស្បើយជាងមុនដោយអាចរកប្រាក់ចំណូលគ្រាន់ចិញ្ចឹមឆ្នាំងបាយអញ្ចឹងដែរ។ សម្ព័ន្ធស្នេហាកំលោះក្រមុំបើលោកអ្នកមិនទាន់មានគូគាប់ហើយចង់ស្វែងរកជាពេលវេលាល្អប្រពៃបំផុត តែយ៉ាងណាស្ត្រីប្រយ័ត្នព្រាននារីក៏មានតាមជាប់ច្រើន៕