ហោរាសាស្រ្តប្រចាំថ្ងៃពុធ ទី២៦ ខែកក្កដា ឆ្នាំ២០២៣
នៅថ្ងៃពុធ ទី២៦ ខែកក្កដា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖
ឆ្នាំជូត៖ រាសីខ្ពស់ត្រដែត។ នៅថ្ងៃនេះលោកអ្នកអាចទទួលដំណឹងល្អ ឬ ធ្វើអ្វីមួយមានការលូតលាស់ឈានទៅមុខមួយចំនួនផងដែរ។ បើមានការចរចាឬទំនាក់ទំនងអ្វីមួយលោកអ្នកយកថ្ងៃនេះក៏ល្អប្រសើរដែរពីព្រោះថាតែងទទួលជោគជ័យមកវិញផង។ អ្នកប្រកបរបររកស៊ីជួញដូរក្នុងថ្ងៃនេះផ្តល់ផលល្អចំពោះការចរចា ការបណ្តាក់ទុនឬ ការចង់បញ្ចេញប្រាក់កាសក្នុងការធ្វើអ្វីមួយព្រោះមិនត្រឹមសមដូចប្រកបទេតែនៅឆាប់រីកដុះដាលឈានទៅមុខទៀតផង។ រីឯបញ្ហាស្នេហាកំលោះក្រមុំមានការផ្អែមល្ហែមគួរសម និងពេលនេះកំពុងផ្តល់ផលល្អបំផុតសម្រាប់ការរៀបចំផ្សំផ្គុំគ្រួសារ៕
ឆ្នាំឆ្លូវ៖ រាសីខ្ពស់ត្រដែត។ ការរស់នៅក្នុងអំឡុងពេលនេះលោកអ្នកគប្បីយកចិត្តទុកដាក់ថែទាំកូនចៅឬចាស់ទុំពីព្រោះថាងាយកើតបញ្ហារោគជំងឺបៀតបៀនណាស់ដែរ។ ដោយឡែកនៅថ្ងៃនេះដំណើរជីវិតឃើញថាល្អប្រសើរគួរសម ម្ល៉ោះហើយបើលោកអ្នកមានការប្រឹងប្រែងការងារនិងអត់ធ្មត់ក៏មានការទទួលជោគជ័យមួយកម្រិតផងដែរ។ចំណែកអ្នកប្រកបរបររកស៊ីជួញដូរបើចង់ទិញទំនិញឬចង់បញ្ចេញទំនិញអ្វីមួយគួររួសរាន់ទាន់មានឱកាសហុចឱ្យ បើពុំនោះទេនឹងជួបបញ្ហាប្រឈមមុខ ការលក់មិនចេញទៀតហើយ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីបើមិនទាន់មានគូគាប់ពេលនេះជាឱកាសល្អក្នុងការស្វែងរកហើយ៕
ឆ្នាំខាល៖ រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកជួបនូវបញ្ហាលំបាកបន្តិច ហើយពិសេសបើមានការសម្រេចចិត្តអ្វីមួយគឺងាយភ្លាំងភ្លាត់ឬជួបបញ្ហាណាស់ផង។ ក្នុងថ្ងៃនេះបើទោះបីធ្វើអ្វីក៏តែងកើតរឿងតប់ប្រម៉ល់និងមានរឿងរាវច្រើននាំឱ្យល្អក់កករផ្លូវចិត្ត។ ក្រៅពីនេះការប្រកបការងារក៏តែងមិនសម្រេចដូចបំណងតាមការប៉ងទុកនោះដែរ។ អ្នកប្រកបរបររកស៊ីជួញដូរវិញកើតមានរឿងរាវរកាំរកូសច្រើនបន្តិចព្រោះតែមានក្រុមមនុស្សបង្កផលលំបាកច្រើន ដូចនេះបើមិនចេះដោះស្រាយទេពេលខ្លះរឿងរាវតូចសោះអាចប្រែរីកជាធំថែមទៀត។ រីឯបញ្ហាសម្ព័ន្ធស្នេហាប្រុសស្រីមានការស្មុគស្មាញ ហើយងាយកើតជម្លោះវិវាទណាស់ដូចនេះលោកអ្នកត្រូវចេះកាត់បន្ថយការប្រកែប្រកាន់ចេញខ្លះទើបប្រសើរ៕
ឆ្នាំថោះ៖ រាសីល្អជាមធ្យម។ ការរស់នៅលោកអ្នកអាចទទួលរងប៉ះទង្គិចជាមួយក្រុមមនុស្សច្រើនពិសេសឱ្យប្រយ័ត្នក្រុមមនុស្សនៅក្បែរខ្លួនតែម្តង។ ការប្រកបការងារ លោកអ្នកទទួលរងផលលំបាកច្រើនបន្តិចពិសេសបញ្ហាការងារ ត្រូវរែកពន់ច្រើន ហើយកើតការប្រទាំងប្រទើសជាមួយអ្នកដទៃច្រើនទៀតផង។ សម្រាប់អ្នកប្រកបរបររកស៊ីជួញដូរថ្ងៃនេះវិញមានការរីកលូតលាស់ទៅមុខល្អគួរសម ហើយបើចង់ទិញទំនិញអ្វីមួយយូរមកហើយគ្រាន់ទុកជាការជួញដូរនៅថ្ងៃខាងមុខក៏ជាឱកាសល្អផងដែរ។ រីឯបញ្ហាកំលោះក្រមុំបើលោកអ្នកពុំទាន់មានគូគាប់ពេលនេះអាចជួបដូចគាប់បំណងផង៕
ឆ្នាំរោង៖ រាសីខ្ពស់ត្រដែត។ ការរស់នៅបើមានបញ្ហាកាលពីមុនមក ហើយលោកអ្នកយកថ្ងៃនេះមកធ្វើការដោះស្រាយតែងទទួលជាលទ្ធផលគ្រាន់ជាទីពេញចិត្ត។ នៅថ្ងៃនេះបើលោកអ្នកមានគម្រោងឬផែនការកិច្ចការងារអ្វីមួយតែងមានការសហការពីអ្នកដទៃជានិច្ច។ ការធ្វើអ្វីតែងមានការជឿនលឿនទៅមុខនិងផ្តល់ផលល្អមកវិញផង។ ក្រៅពីនេះក៏ផ្តល់ផលល្អសម្រាប់លោកអ្នកបណ្តាក់ទុនរកស៊ីដោយអាចមានការចម្រើនលូតលាស់ដូចពាក្យចាស់ថា”ដាក់ចុះរីកដុះដាលតាមដៃ”ផងដែរ។ រីឯបញ្ហាសេចក្តីស្នេហាកំលោះក្រមុំបើចង់ផ្សំផ្គុំគ្រួសារដោយចូលនិយាយដល់ចាស់ទុំឬសាសងស្នេហាថ្មីថ្មោងតែងសមដូចគាប់បំណងជានិច្ច៕
ឆ្នាំម្សាញ់៖ រាសីខ្ពស់ត្រដែត។ នៅថ្ងៃនេះលោកអ្នកបើគ្រោងធ្វើអ្វីមួយគឺអាចសម្រុកធ្វើឬអនុវត្ត បានហើយពីព្រោះថាអ្វីៗអាចធ្វើបានដូចក្តីប្រាថ្នាទុកដូចគាប់បំណងច្រើនត្រឡប់មកវិញ។ នៅថ្ងៃនេះបើមានការប្រកបការងារអ្វីឬ បើមានធ្វើអ្វីមួយងាយឆាប់ចប់និងបើមានការខិតខំតែងហុចជាផ្លែផ្កាមកវិញដូចគាប់បំណងផង។ សម្រាប់អ្នកប្រកបរបររកស៊ីជួញដូរឃើញថាជឿនលឿនទៅមុខគួរសម ហើយពិសេសងាយអាចទាក់ទាញអតិថិជនថែមទៀត។ រីឯបញ្ហាស្នេហាកំលោះក្រមុំមានភាពស្រស់ស្រាយនិងនឹករលឹកគ្នាដូចសព្វមួយដងទេ៕
ឆ្នាំមមី៖ រាសីល្អជាមធ្យម។ ថ្ងៃនេះលោកអ្នកជួបបញ្ហាសៅហ្មងច្រើនបន្តិច ពិសេសការបំពេញការងារត្រូវប្រយ័ត្នប្រយែងពីក្រុមមនុស្សស្គាល់តែមុខតែមិនស្គាល់ចិត្តផងដែរ។ លោកអ្នកត្រូវរវាសរវៃដៃជើងទើបលទ្ធផលល្អៗហុចមកឱ្យគួរជាទីពេញចិត្តទៅរួច។ ចំពោះអ្នកប្រកបរបររកស៊ីជួញដូរមិនមានការលូតលាស់ទៅមុខគួរជាទីកត់សម្គាល់ទេគឺមានដំណើរថយក្រោយច្រើនជាងដូចនេះបើចង់ធ្វើអ្វីមួយធំដុំគួរមានការប្រយ័ត្នប្រយែងឱ្យបានខ្លាំងក្លា។ រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីមានដំណើរពុំល្អទេចូរប្រយ័ត្នក្រុមមនុស្សចូលមកបំបែកដោយប្រការណាមួយ៕
ឆ្នាំមមែ៖ រាសីស្រុតចុះ។ នៅថ្ងៃនេះទោះលោកអ្នកធ្វើអ្វីមួយក៏ដោយគឺតែងមិនឆ្លើយតដូចក្តីប្រាថ្នានោះឡើយ។ ការធ្វើអ្វីមួយតែងជួបនូវរឿងរាវចូលមកកូរផ្លូវចិត្តផងដែរ។ លោកអ្នកត្រូវចេះតស៊ូអត់ធន់ការងារទើបអ្វីៗដែលជាការខិតខំរបស់លោកអ្នកទទួលផលសម្រេចជោគជ័យទៅរួច។ ចំពោះបើជាអ្នកប្រកបរបររកស៊ីជួញដូរមិនត្រូវលោភលន់មិនមើលមុខក្រោយនោះទេបើមិនដូច្នេះនឹងនាំផលលំបាកណាមួយមកវិញ។ សម្ព័ន្ធស្នេហាប្រុសស្រីត្រូវចេះយកចិត្តទុកដាក់ចំពោះគ្នាខ្លះនិងខ្វាយខ្វល់ចំពោះគ្នាខ្លះទើបចំណងស្នេហ៏អាចជាប់យូរអង្វែងឬក្លាយជាមិត្ត១០០ឆ្នាំទៅរួច៕
ឆ្នាំវក៖ រាសីខ្ពស់ត្រដែត។ នៅថ្ងៃនេះអាចមានរឿងរាវល្អចូលមក ធ្វើអ្វីៗដែលធ្លាប់មិនល្អនឹងប្រែមកគ្រាន់គាប់ប្រសើរឡើងវិញ។ នៅថ្ងៃនេះដោយសារដំណើរជីវិតល្អប្រសើរ ម្ល៉ោះហើយទើបមានការរីកចម្រើនច្រើនមុខ ហើយកិច្ចការក៏តែងឆ្លើយតបគួរសមផង។ ចំពោះបញ្ហាប្រាក់កាសការងារឬរឿងផ្ទាល់ខ្លួនឃើញថាមានការចម្រើនលូតលាស់ឈានទៅមុខជានិច្ច។ អ្នកប្រកបរបររកស៊ីជួញដូរបើចង់បោះទុនតូចធំតែងហុចផ្លែផ្កាមកវិញគ្រាន់គាប់ប្រសើរ។ការធ្វើដំណើរទីជិតឆ្ងាយជួបភាពសុខដុមនិងក្តីសោមនស្សជានិច្ច។ រីឯសម្ព័ន្ធស្នេហាប្រុសស្រីកំពុងមានភាពស្រស់ស្រាយប្រៀបដូចត្រីក្នុងទឹកនារដូវខែវស្សា៕
ឆ្នាំរកា៖ រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកស្ថិតនៅលើកំណាត់ផ្លូវរដិបរដុបច្រើនបន្តិច ហើយបើធ្វើអ្វីៗមិនអាចធ្វេសប្រហែសបានឡើយបើពុំនោះទេនឹងជះផលអាក្រក់ឡើងពុំខាន។ ការប្រកបការងារលោកអ្នកចូរប្រយ័ត្នត្រូវគេបន្ទោសឬកើតមានជម្លោះវិវាទណាមួយកើតឡើងផង។ ចំពោះអ្នកប្រកបរបររកស៊ីជួញដូរលាភតូចធំពុំសូវមានសម្បូណ៍ទេព្រោះបើមិនបោលហួសក៏ត្រូវអ្នកដទៃដណ្តើមយកអស់ៗមុនដែរ។ រីឯបញ្ហាស្នេហាកំលោះក្រមុំ ឬ ពោះម៉ាយមេម៉ាយក្តីកើតមាន ភាពប្រទាំងប្រទើស និង ប្រឆាំងគ្នាច្រើន៕
.jpg)
ឆ្នាំច៖ រាសីល្អជាមធ្យម។ នៅថ្ងៃនេះដួងរាសីរបស់លោកអ្នកមានការរីកលូតលាស់សន្សឹមៗទៅមុខឥតមានអ្វីដែលជាបញ្ហាអាក្រក់យាយីនាំពិបាកទប់ទល់ឡើយ។ សម្រាប់រយះពេលនេះដែររាល់ឧបសគ្គ និង រាល់បញ្ហាស្មុគ្រស្មាញត្រូវបានសាបរលាបទៅឆ្ងាយ ធ្វើឱ្យដំណើរជីវិត ប្រកបទៅដោយភាពសុខដុមប្រសើរឡើងវិញ។ សម្រាប់អ្នកប្រកបរបររកស៊ីជួញដូរជួបបញ្ហាលំបាករកចំណូល ហើយពិសេសការចំណាយនោះមានខ្ពស់ថែមទៀត។ រីឯបញ្ហាសេចក្តីស្នេហាកំលោះក្រមុំមិនសូវចេះទប់សម្តីឡើយ ម្ល៉ោះហើយបើមិនចេះកែប្រែនិងចេះអត់ឱនឱ្យគ្នាទេជម្លោះនឹងកើតឡើងទៀតជាក់ជាពុំខាន៕
ឆ្នាំកុរ៖ រាសីស្រុតចុះ។ នៅថ្ងៃនេះដោយសារដួងរាសីធ្លាក់ស្រុតចុះម្ល៉ោះហើយលោកអ្នកត្រូវរក្សាភាពស្ងប់ស្ងៀមនិងធ្វើមិនដឹងមិនឮចំពោះរឿងរាវខ្លះទើបប្រសើរ។ ការប្រកបការងារលោកអ្នកចូរប្រយ័ត្នត្រូវគេបន្ទោសឬកើតមានជម្លោះវិវាទណាមួយកើតឡើងផង។ ចំពោះអ្នកប្រកបរបររកស៊ីជួញដូរលាភតូចធំពុំសូវមានសម្បូណ៍ទេព្រោះបើមិនបោលហួសក៏ត្រូវអ្នកដទៃដណ្តើមយកអស់ៗមុនដែរ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីកើតមាន ភាពប្រទាំងប្រទើសនិងប្រឆាំងគ្នាច្រើន៕
