ហោរាសាស្រ្តប្រចាំថ្ងៃពុធ ទី០៨ ខែវិច្ឆិកា ឆ្នាំ២០២៣
នៅថ្ងៃពុធ ទី០៨ ខែវិច្ឆិកា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖
ឆ្នាំជូត៖ រាសីខ្ពស់ត្រដែត។ ក្នុងថ្ងៃនេះដំណើរជីវិតរបស់លោកអ្នកលូតលាស់ល្អប្រសើរ ម្ល៉ោះហើយធ្វើឱ្យមានការរីកចម្រើន ទាំងកិច្ចការផ្ទះសម្បែង និងក៏ដូចជាខាងក្រៅផង។ ការប្រកបការងារពុំមានអ្វីចូលមករារាំងនាំជួបការលំបាកច្រើនទេ ហើយពិសេសមានការចុះសម្រុងគ្នាល្អប្រសើរថែមទៀត។ ចំពោះអ្នកប្រកបរបររកស៊ីជួញដូរបើចង់បោះទុនតូចធំមិនទាស់ខុសអ្វីទេតែយ៉ាងណាត្រូវចេះពិនិត្យឱ្យបានគ្រប់ជ្រុងជ្រោយទើបមិនត្រូវអសារបង់ប្រាក់កាសដោយប្រការណាមួយ។ រីឯបញ្ហាសេចក្តីស្នេហាកំលោះក្រមុំមានការស្រុះស្រួលនិងផ្អែមល្ហែមប្រពៃ៕
ឆ្នាំឆ្លូវ៖ រាសីខ្ពស់ត្រដែត។ បើលោកអ្នកចង់ស្វែងរកអ្វីមួយគឺអាចនឹងជួបនូវក្តីសម្រេច ហើយបើចង់ពឹងពាក់អ្នកដទៃក៏ក៏តែងគេអាណិតជួយដោះស្រាយដែរ។ ការប្រកបការងារផ្តល់ផលល្អក្នុងការទំនាក់ទំនង ឬបើចង់ចូលដោះស្រាយបញ្ហាតូចធំក៏តែងផ្តល់ផលល្អដូចគ្នា។ សម្រាប់អ្នកប្រកបរបររកស៊ីជួញដូរវិញការជួញទីជិតឆ្ងាយមិនថាផ្លូវគោកផ្លូវទឹកផ្លូវអាកាសក្តីតែងហុចផ្លែផ្កានិងប្រមូលផលកម្រៃគ្រាន់ជាទីកក់ក្តៅ ហើយក៏មានភាពសុខដុមប្រពៃ។ រីឯបញ្ហាស្នេហាប្រុសស្រីបើចង់ធ្វើការជ្រើសរើសគូស្រករតែងជួបគូព្រេងពិតដូចសេចក្តីប្រាថ្នា៕
ឆ្នាំខាល៖ រាសីល្អជាមធ្យម។ ការចេញដំណើរពីផ្ទះមិនថាទី ជិតឆ្ងាយឱ្យប្រយ័ត្នរោគជំងឺបៀតបៀនយាយីដោយប្រការណាមួយ។ ការប្រកបការងារមិនត្រូវប្រកែប្រកាន់ច្រើន ឬរុញរាការងារតូចធំឡើយបើពុំនោះទេនឹងជះផលអាក្រក់នាថ្ងៃខាងមុខពុំខាន។ សម្រាប់ការប្រកបរបររកស៊ីជួញដូរលោកអ្នកអាចមានបាតុភាពរកាំរកូសខ្លះៗកើតឡើង ដូចនេះត្រូវចេះបើកចិត្តឱ្យទូលាយដោយធ្វើមិនដឹងមិនឮចំពោះរឿងរាវខ្លះទើបប្រសើរបំផុត។ រីឯបញ្ហាស្នេហាកំលោះក្រមុំបើចង់ធ្វើការជ្រើសរើសគូស្រករពុំល្អទេគប្បីមានការត្រួតពិនិត្យឱ្យបានគ្រប់ជ្រុងជ្រោយព្រោះច្រើនជួបគូកម្មច្រើនជាងគូព្រេង៕
ឆ្នាំថោះ៖ រាសីស្រុតចុះ។ ការរស់នៅបើចង់ពឹងពាក់នរណាម្នាក់ឱ្យជួយអ្វីមួយមិនត្រូវរំពឹងពេកឡើយពីព្រោះថាផលដែលទទួលបានមកវិញនោះតិចតួចណាស់។ ការប្រកបការងាររបស់ លោកអ្នកក៏មិនសូវល្អប្រសើរដែរ ហើយបើចង់ធ្វើអ្វីមួយ ឬ សម្រេចចិត្តអ្វីគប្បីប្រយ័ត្នប្រយែងពីព្រោះថាផលអាក្រក់នោះមានច្រើនត្រឡប់មកវិញ។ អ្នកប្រកបរបររកស៊ីជួញដូរពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើន ដូច្នេះគួរមានការប្រយ័ត្តប្រយែងឱ្យបានខ្លាំងក្លា។ នាពេលនេះបញ្ហាស្នេហាពិសេសស្ត្រីគឺមានមន្តស្នេហ៍ប្រពៃហើយអាចមានគេចោមរោមស្រឡាញ់ច្រើនតែយ៉ាងណាប្រយ័ត្នព្រាននារីក៏មានតាមចាំបោកប្រាស់ក៏ច្រើនដែរ៕
ឆ្នាំរោង៖ រាសីខ្ពស់ត្រដែត។ នៅថ្ងៃនេះផ្តល់ផលល្អសម្រាប់លោកអ្នកដំណើរកិច្ចការងារអ្វីមួយពីព្រោះថាផលជាផ្លែផ្កាតែងហុចមកវិញផង។ ចំពោះអ្នកប្រកបរបររកស៊ីជួញដូរពេលនេះប្រៀបបានដូចជា”ភ្លៀងធ្លាក់មួយមេមេឃស្រទ្បះ”ព្រោះអាចកម្ចាត់រាល់ឧបទ្រពចង្រៃទាំងពួងឱ្យវិនាសជាអហោសិកម្មអស់ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ រីឯបញ្ហាសេចក្តីស្នេហាប្រុសស្រីមានការស្រុះស្រួល ហើយបើមានជម្លោះវិវាទជាពេលល្អក្នុងការដោះស្រាយហើយ៕
ឆ្នាំម្សាញ់៖ រាសីល្អជាមធ្យម។ ការរស់នៅរឿងរាវខ្លះលោកអ្នកមិនត្រូវយកចិត្តទុកដាក់ឡើយ ហើយត្រូវចងចាំថាបញ្ហាកើតឡើងជារឿងធម្មតាចំពោះមនុស្សលោក។ ធ្វើបានបែបនេះទើបបានសេចក្តីសុខដុមជាងនេះ។ ទោះបីយ៉ាងណាក៏ដោយលោកអ្នកធ្វើអ្វីៗត្រូវគិតឱ្យបានគ្រប់ជ្រុងជ្រោយកុំធ្វើទាំងចុងដៃចុងជើងនោះនាំជួបតែបញ្ហាស្មុគស្មាញនៅគ្រាខាងមុខ។ ការធ្វើដំណើរជាជំនួញទីជិតឆ្ងាយលោកអ្នកមិនគប្បីមានការមាត់ប៉ប៉ាច់ប៉ប៉ោចច្រើនឡើយព្រោះជញ្ជាំងមានត្រចៀកហើយ បើហ៊ានរិះគន់អ្នកដទៃនាំត្រូវកើតជារឿងរាវនៅគ្រាខាងមុខពុំខាន ។ សម្ព័ន្ធស្នេហាកំលោះក្រមុំជួនល្អជួនអាក្រក់ព្រោះតែព្យុះភ្លៀងកំពុងអុកឡុកដំណើរជីវិតស្នេហារបស់លោកអ្នកឱ្យទទួលរងផលលំបាកច្រើនចំពោះមុខ ៕
ឆ្នាំមមី៖ រាសីស្រុតចុះ។ នៅថ្ងៃនេះរាល់បញ្ហាឧបទ្រព និង រឿងរាវមិនល្អងាយឈានចូលណាស់ ម្ល៉ោះហើយលោកអ្នកគប្បីមានការប្រយ័ត្នប្រយែង។ ការប្រកបការងារទោះធ្វើអ្វីក៏ដោយលោកអ្នកបើមានការពិចារណាបានល្អនោះគឺមិននាំឱ្យ បាត់បង់ប្រាក់កាស ត្រូវទទួលរងខូចចិត្តឬខាតពេលវេលាផង។ អ្នកប្រកបរបររកស៊ីជួញដូរមិនត្រូវយកភាពឈ្នានីសឬមាត់ឌឺដងដល់អ្នកដទៃឡើយព្រោះងាយកើតជម្លោះវិវាទណាស់ ហើយស្រួលមិនស្រួលកើតរឿងរាវប្រកាប់ប្រចាក់គ្នាថែមទៀត។ រីឯបញ្ហាស្នេហាប្រុសស្រីមិនត្រូវឆេវឆាវខឹងច្រឡោតតោតតូងនាំតែជួបបញ្ហាល្អក់កករឥតឈប់ឈរចំពោះគ្នា ៕
ឆ្នាំមមែ៖ រាសីស្រុតចុះ។ នៅថ្ងៃនេះបញ្ហាងាយរត់ចូល ហេតុនេះធ្វើអ្វីក៏ដោយមិនត្រូវយកចិត្តស្រាលដាក់ខ្លួនឡើយ បើពុំនោះនៅពេលមានបញ្ហានឹងធ្វើឱ្យពិបាកដោះស្រាយយូរអង្វែងទៅថ្ងៃខាងមុខ។ នៅថ្ងៃនេះលោកអ្នកធ្វើអ្វីក៏តែងជួបរឿងរាវប្រទាំងប្រទើស និង ជាពិសេសឱ្យប្រយ័ត្នគេទម្លាក់កំហុសដោយប្រការណាមួយទុកឱ្យ។ អ្នកប្រកបរបររកស៊ីជួញដូរមិនត្រូវបង្កជម្លោះឬលោភលន់អ្វីឡើយបើពុំនោះទេផលអាក្រក់ៗអាចនឹងកើតមានបានគ្រប់ពេលទាំងអស់។ សេចក្តីស្នេហាកំលោះក្រមុំមានការជឿនលឿនទៅមុខយឺតហើយងាយថយក្រោយណាស់៕
ឆ្នាំវក៖ រាសីខ្ពស់ត្រដែត។ ក្នុងថ្ងៃនេះដំណើរជីវិតមានភាពសុខដុម ហើយរាល់បញ្ហាឧបទ្រពចង្រៃក៏រលត់រលាយទៅចាកឆ្ងាយដែរ។ ការប្រកបការងារគឹផ្តល់ផលល្អសម្រាប់លោកអ្នកទំនាក់ទំនងការងារការបណ្តាក់ទុន ការចរចាឬចុះហត្ថលេខាអ្វីមួយពីព្រោះថាផលល្អៗតែងឆ្លើយតបមកវិញជានិច្ច។ សម្រាប់លោកអ្នកដែលប្រកបរបររកស៊ីជួញដូរក្នុងពេលនេះមានការរីកលូតលាស់គួរសម ហើយបើចង់ពង្រីកមុខរបរថ្មីឬមានការបណ្តាក់ទុនរកស៊ីក្នុងអ្វីមួយតែងផ្តល់ផលល្អៗមកខ្លួនវិញយ៉ាងដូចសមប្រកប។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីជួបភាពរកាំចិត្ត និង មិនសូវទុកចិត្តទុកគ្នាប៉ុន្មានទេគឺភាពប្រចែប្រច័ណ្ឌកំពុងចូលលុកលុយច្រើន៕
ឆ្នាំរកា៖ រាសីស្រុតចុះ។ នៅថ្ងៃនេះការរស់នៅងាយជួបរឿងរាវប្រទាំងប្រទើសច្រើនបន្តិចដោយសារតែក្រុមមនុស្សចាំចាប់កំហុស និងមានបញ្ហាមិនល្អរត់ចូលច្រើន។ ការបំពេញការងារមានការរីកលូតលាស់យឺត ហើយទាល់តែខិតខំខ្លាំងបន្តិចទើបទទួលជោគជ័យកិច្ចការធំៗមួយចំនួនសម្រាប់អ្នកប្រកបរបររកស៊ីជួញដូរមិនថាផ្លូវគោកផ្លូវទឹកឬផ្លូវអាកាសក្តីទោះលោកអ្នកខិតខំប៉ុនណាបានត្រឹមមួយទប់ទល់ ហើយបើឱ្យសល់ធំដុំនោះគ្មាននោះឡើយ។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីកើតមានការចាប់កំហុសនិងយកភាពប្រចែប្រច័ណ្ឌដាក់ខ្លួនច្រើននាំឱ្យកើតការកាំចិត្តមិនតិចទេ៕
.jpg)
ឆ្នាំច៖ រាសីល្អជាមធ្យម។ នៅថ្ងៃនេះលោកអ្នកមិនត្រូវថាស្តីបន្ទោស អ្នកដទៃដោយមិនបានគិតមុខក្រោយឡើយពីព្រោះថាងាយនឹងទទួលរងផលប៉ះពាល់នាគ្រាខាងមុខយូរអង្វែងមកវិញ ព្រោះដោយសារគេកើតការគុំគួនទៅគ្រាខាងមុខតែម្តង។ ការប្រកបការងារដោយសារដំណើរជីវិតស្ថិតនៅលើកំណាត់ផ្លូវរដិបរដុបបន្តិច ម្ល៉ោះហើយទោះធ្វើអ្វីក៏តែងមិនសម្រេចតាមគោលដៅ ឬ មានការជឿនលឿនទៅមុខដូចគាប់បំណងនោះឡើយ។ សម្រាប់អ្នកប្រកបរបររកស៊ីជួញដូរក៏ដូច្នេះដែរការចង់បោះទុនទៅលើអ្វីមួយត្រូវមើលមុខមើលក្រោយព្រោះផ្លែផ្កាទទួលបានមកវិញមានភាពយ៉ាប់យ៉ឺនសម្បើមណាស់ដែរ។ រីឯសម្ព័ន្ធស្នេហាប្រុសស្រីជួបបញ្ហាប្រទាំងប្រទើសក៏ច្រើន ឯការផ្អែមល្ហែមក៏ច្រើន៕
ឆ្នាំកុរ៖ រាសីស្រុតចុះ។ លោកអ្នកត្រូវចេះមើលគេឯង មិនត្រូវរឹងទទឺង ឬចង់ឈ្នះចាញ់ជាមួយក្រុមគ្រួសារ ឬអ្នកដទៃមិនមើលមុខក្រោយឡើយនាំជះផលលំបាកដល់អាត្មាខ្លួន។ នៅថ្ងៃនេះដោយសារដួងរាសីស្រុតចុះ ម្ល៉ោះហើយផ្តល់ផលល្អសម្រាប់លោកអ្នកចាត់ចែងការងារចាស់ៗដែលសេសសល់ពីមុនមកពីព្រោះថាវានឹងផ្តល់ផលល្អមកអ្នកវិញច្រើនជាងសព្វមួយដង។ អ្នកការធ្វើជំនួញពុំសូវមានការលូតលាស់ទៅមុខទេគឺមានការថយក្រោយច្រើនជាង។ សម្ព័ន្ធស្នេហាកំលោះក្រមុំមានការថ្នាំងថ្នាក់និងមិនសូវចុះសម្រុងគ្នាប៉ុន្មានឡើយដោយសារម្នាក់ៗចិត្តខ្លាំងរៀងៗខ្លួន៕
