មានចំណុច៥ខាងក្រោមនេះ ក្នុងការវិយោគក្នុងអាជីវកម្ម ដែលអ្នកត្រូវតែជៀសវាងជាដាច់ខាត
ជារៀងរាល់ថ្ងៃមានអាជីវកម្មជាច្រើន ដែលកំពុងតែបង្កើតឡើងជាបន្តបន្ទាប់ មានអាជីវកម្មខ្លះបានបិទទៅវិញទាំងមិនបានផលចំណេញសូម្បីតែបន្ត ដូច្នេះដើម្បីកុំឲ្យមានចំណុចខុសឆ្គងក្នុងការបើកអាជីវកម្ម សូមពិនិត្យមើលចំណុចខុសឆ្គងដូចខាងក្រោមនេះ៖
១.ការវិនិយោគតាមគ្នា
នៅពេលដែលអាជីវកម្មមួយកំពុងទទួលបានជោគជ័យ នោះអ្នកវិនិយោគជាច្រើននឹងមានការចាប់អារម្មណ៍ក្នុងការដាក់ទុនវិនិយោគ ប៉ុន្តែអ្នកត្រូវដឹងដែរថា សកម្មភាពពីអតីត គឺមិនអាចធានាបានក្នុងពេលអនាគតឡើយ។ ដូច្នេះមុននឹងអ្នកសម្រេចចិត្តដាក់ទុនវិនិយោគ អ្នកត្រូវមើលទៅក្នុងពេលអនាគត ដោយមិនគួរសម្លឹងឃើញតែពេលបច្ចុប្បន្ន អតីត ឫក៏ដាក់វិនិយោគតាមគ្នានោះទេ។
២.ការក្តាប់ជាប់ជាមួយនឹងភាគហ៊ុនដែលចាញ់រយៈពេលយូរ៖
នៅពេលដែលអ្នកសម្រេចចិត្តដាក់ទុនវិនិយោគ គឺអ្នកបានសម្លឹងមើលពីផលជំនេញ តែលទ្ធផលគឺមិនដូចការស្មានរបស់អ្នកឡើយ ហើយអ្នកនៅតែទ្រាំក្តាប់ជាប់ជាមួយនឹងភាគហ៊ុនដែលកំពុងតែធ្លាក់ថ្លៃ និងបន្តធ្លាក់ថ្លៃ ដែលនេះ គឺមានន័យថា អ្នកកំពុងវិនិយោគខុសផ្លូវហើយ។ ការសម្រេចចិត្តដ៏ល្អគឺអ្នកគប្បីលក់ភាគហ៊ុនដែលស្អុយនោះចោល ហើយស្វែងរកឱកាសផ្សេងដែលជាឱកាសពិតប្រាកដ។
៣.ការវិនិយោគដោយគិតត្រឹមរយៈពេលខ្លី៖
នៅពេលដែលអ្នកមិនបានធ្វើការវិភាគ សិក្សាស្រាវជ្រាវ និងទទួលពត៌មានឲ្យបានគ្រប់ជ្រុងជ្រោយ មុននឹងសម្រេចចិត្តដាក់ទុកវិនិយោគនោះទេ នោះមានន័យថាអ្នកបានដាក់ទុនវិនិយោគជាមួយ នឹងហានិភ័យដែលអ្នកមិនអាចគ្រប់គ្រងបានឡើយ ហើយគ្រោះថ្នាក់ដែលអ្នកអាចនឹងជួបប្រទះក៏ធំណាស់ដែរ។
៤.ការមិនកំណត់ច្បាប់ក្នុងការវិនិយោគ៖
កិច្ចព្រមព្រៀង គឺពិតជាសំខាន់ខ្លាំងណាស់ក្នុងការគ្រប់គ្រង ដើម្បីឲ្យអ្នកដឹកនាំដើរតាមផ្លូវត្រូវ និងមិនធ្វើអ្វីតាមតែអារម្មណ៍ ឫហេតុផលផ្ទាល់ខ្លួន។ ជាងនេះទៅទៀត វាក៏ជួយកាត់បន្ថយហានិភ័យឲ្យអ្នកបានមួយកម្រិតផងដែរ។
៥.វិនិយោគតែក្នុងភាគហ៊ុនណាដែលមានសុវត្ថិភាព៖
អ្នកគប្បីធ្វើការវិនិយោគជាមួយក្រុមហ៊ុនក្នុងស្រុកណាដែលអ្នកគិតថាវាមានសុវត្ថិភាព និងស្ថេរភាព ហើយគួរចៀសវាងការវិនិយោគជាមួយក្រុមហ៊ុនណាដែលផ្តល់ប្រាក់ចំណេញមិនត្រឹមត្រូវដល់អ្នក៕
