ជំនាញ និងទិចនិច ដើម្បីការនិយាយទូរសព្ទ ជាមួយអតិថិជនបានល្អ

ឆ្លងកាត់បទពិសោធន៍មួយនៃការធ្វើការងារស្និតជាមួយ និងអតិថិជនតាមរយៈការនិយាយទូរស័ព្ទមក ខ្ញុំមានការ ចាប់អារម្មណ៍យ៉ាងខ្លាំងទៅលើឥទ្ធិពលរបស់វា ទាក់ទងទៅនិងមុខជំនួញ មិនថាតែមុខ ជំនួញនោះទេ ការប្រាស្រ័យទាក់ទងគ្នាប្រចាំថ្ងៃ ជាមួយមិត្តភ័ក្រ ក្រុមគ្រួសា ការងាររកស៊ី គឺសុទ្ធតែ ប្រើប្រាស់ការទាក់ទងគ្នាតាមទូរសព្ទជាមុន។

ការទូរស័ព្ទទៅកាន់នណាម្នាក់ និងការទទួលទូរស័ព្ទ គឺ ត្រូវធ្វើឡើយដោយភាពទទួល ខុសត្រូវនិងមាន ទិចនិចក្នុងការនិយាយ និងការស្វាគមន៍ដោយ ភាពរាក់ទាក់ស្រស់ស្រាយ ចំពោះមុខ ជំនួយវិញគឺជា ចំណុចសំខាន់មួយ ក្នុងចំណោមចំណុចសំខាន់ ទាំងឡាយរបស់ជំនួយ និងដំបូងគេនៃការ ទាក់ទង អតិថិជន និងអ្នកផ្គត់ផ្គង់របស់អ្នក។ជំនាញក្នុងការនិយាយ សម្លេងពិរោះនិងការប្រើប្រាស់ពាក្យ ទោះនៅឆ្ងាយមិនបានឃើញមុខក៏វា អាចស្តែង ចេញមកនូវឥរិយាបទ នៃគុណភាពសេវាកម្ម ដែលអាចសាងនូវ ទំនុកចិត្តអោយ អតិថិជនមួយកំរិតផងដែរ។

ការសង្កេតឃើញរបស់ខ្ញុំ មានក្រុមហ៊ុនមួយចំនួន មានការយកចិត្តទុកដាក់តិចតូចចំពោះរឿងនេះ។ហើយខ្លះទៀត មិនទាំងខ្វល់ចំពោះការវឹកហាក់បុគ្គលិករបស់ខ្លួន ក្នុងការនិយាយទូរសព្ទផង ហើយក៏ បណ្តោយ អោយចេះតែនិយាយតែតាមទម្លាប់ មិនមានការវឹកហាត់ ការស្វាគមន៏ ការបញ្ចប់ការសន្ទនា ការលើលដាក់សំឡេង ការទុបកំហឹង ទិចនិចដោះស្រាយបញ្ហា ការឆ្លើយតបសំនួយ របស់អតិថិជនជាដើម។
មានពាក្យមួយក្នុងបទពិសោធន៍ នៃការនិយាយទូរសព្ទជាមួយ អតិថិជនគឺ៖ “ទូរស័ព្ទ គឺជាលុយ” “Telephone is a money”។

After Footer (Active) - damrei Mr1 Zone2

អតិថិជនទូរសព្ទមកកាន់អ្នក គឺជា លុយ។ ភ្ញៀវ ឬអ្នកលក់ អ្នកចែកចែយ ភាគច្រើនការទាក់ទងដំបូង គឺតាម រយៈទូរស័ព្ទដូច្នេះពួកគេគឺជាអ្នកនាំ លុយមកអោយអ្នក យើងអាចនិយាយបានថាការដែលមាន អ្នកជំនាញ និយាយទូរសព្ទ គឺមានបំពង់ទុយយ៉ោ សម្រាប់ការហូរទឹកប្រាក់ ចូលមកក្រុមហ៊ុនអ្នក មិនថាការខលបង្ហាញការមិនពេញចិត្ត ការស្តីបន្ទោស គឺសុទ្ធតែជាការហូរមកនូវការទឹកប្រាក់សម្រាប់ក្រុមហ៊ុន។

តើធ្វើយ៉ាងណា ដើម្បីក្លាយខ្លួនជា អ្នកជំនាញនិយាយទូរសព្ទ ក្នុងការប្រស្រ័យទាក់ទង ជាមួយអតិថិជន?

ខាក្រោមនេះ ជា គន្លឹះ ៥យ៉ាង ដើម្បីឆ្លើយទូរសព្ទបានល្អ

១. លើកទូរស័ព្ទនៅពេលដែលទូរស័ព្ទរោទ៌សម្លែងទី ២ ឬទី៣ ជៀសវាងការរោទ៌លើទី៤។

២. ការស្វាគមន៍ (អរុណសួរស្តី, សាយណ្ណសួរស្តី, good morning / afternoon, evening)

៣. បញ្ជាក់អោយច្បាស់ពីអាជីវកម្មរបស់អ្នក (Online សូមជំរាប់សួរ, ខ្ញុំខលពីក្រុមហ៊ុន Online)

៤. បញ្ជាក់ពីខ្លួនអ្នក (បាទខ្ញុំសុខឡា កំពុងនិយាយ, this is Sokla speaking)

៥. ស្នើសួរពីជំនួយ (តើមានអ្វីអោយជួយដែរ?,how may I help you?)

ការឆ្លើយតបទូរសព្ទ ដែលត្រឹមត្រូវ មិនថាបុគ្គលិកខាងក្នុងក្រុមហ៊ុន (Internal) ឬ ក្រៅក្រុមហ៊ុន (External) អោយតែខលចូលមក កាន់លេខរបស់ក្រុមហ៊ុន ការស្វាគមន៍ គឺ មិនអាចចោលជាដាច់ខាត់ ព្រោះជា ទម្លាប់អាក្រាក់មួយ ដែលអ្នកមិនបានអនុវត្តតាម រូបមន្តនៃការស្វាគមន៍របស់ក្រុមហ៊ុន។

ធាតុផ្សំ ៣ យ៉ាងដែលសំខាន់បំផុតក្នុងការទំនាក់ទំនង

១. ពាក្យ ឬ ក៏ឃ្លាប្រយោគ (word or phase)

២. ការលើកដាក់សំឡេង (Tone)

៣. ភាសារកាយវិកា (Body Language)

ពាក្យនិងឃ្លាប្រយោគ គឺ ជាធាតុផ្សំមួយយ៉ាងសំខាន់ ក្នុងការបើការសន្ទនា វាអាចបង្ហាញនូវភាពស្និតស្នាល ក្នុងការទំនាក់ទំនងរវាងអ្នកផ្តល់សេវាកម្ម និង អ្នកទទួលយកសេវាកម្ម។ អ្នកស្តាប់ងាយយល់ និងងាយក្នុងការបង្ហាយ នូវឪកាស និង ពេលវាលាអោយអ្នកផ្តល់សេវាកម្ម ដើម្បីសិក្សាស្វែងយល់ ពី ដំដោះស្រាយជូន។

កាលលើកដាក់សំឡេង ជាធាតុផ្សំមួយទៀតដែលធ្វើអោយអ្នកស្តាប់ ពិរោះនិងមានភាពស្ងប់ចិត្តអាចបន្ថយ នូវការខឹងក្រោធ។ សំឡេងពីរោះ និងការលើកដាក់សំឡេងបានល្អជាថ្នាំដែលអាចរម្ងាប់នូវការខឹងក្រោធបាន។ អ្នកខឹងក្រោធកាលណា ឭ សំឡេងពីរោះគួបផ្សំទៅ និង វិធីសាស្ត្រដោះស្រាយ ចិត្តខឹងក្រោធក៏អាច ថយចុះមក ទុកពេល និងឪកាស ដើម្បីស្រាយបញ្ហា។

កាយវិកាល…!! តើក្រាន់តែនិយាយទូរសព្ទអាច ឃើញកាយវិកាលមែនទេ? ជាការពិតណាស់ វាពិតជាអាច។ អ្នកសន្ទនាជាមួយ អ្នកអាចដឹងនូវពេលដែលអ្នកញញឹម “when you smile people know”។

ធាតុផ្សំដែលសំខាន់បំផុត ក្នុងធាតុផ្សំទាំងបីនេះ គឺ ភាសាកាយវិកាល។ ពេលអ្នកញញឹមគឺមានឥទ្ធិពល ក្នុងការទំនាក់ទំនង ការញញឹមជាធម្មជាតិដ៏ស្រស់ស្អាត របស់មនុស្សលោក វាជាធម្មជាតិជាសកលដែលមនុស្ស ទទួលបានពីធម្មជាតិ ក្នុងការប្រស្រ័យទាក់ទងគ្នាទៅវិញទៅមក។

ក្នុងធាតុផ្សំទាំង ៣ នេះ មានភាសាកាយវិកា (Body Language) ៥៥% ការលើដាក់សំឡេង (Tone) ៣៨% និងការប្រើប្រាស់ ពាក្យ និងឃ្លា(Word) ៧%។

ករណីសាមាញ្ញៗ ដែលគួរជៀសវាង ក្នុងជំនាញនិយាយទូរសព្ទ

យូរលើកទូរសព្ទពេកនៅពេលទូរស័ព្ទបានរោទ៌

មិនបានស្វាគមន៍ចំពោះអ្នកទូរសព្ទចូល

មិនបញ្ហាឈ្មោះអាជីវកម្ម ឬឈ្មោះផ្ទាល់ខ្លួន

និយាយយឺតៗពេក និយាយលឿនៗពេក និយាយទន់ភ្លន់ពេក និយាយលឺៗពេក

និយាយរអ៊ូងៅៗ និយាយហ៊ឹៗ មិនច្បាស់

លើកកាន់ទូរស័ព្ទមិនត្រឹមត្រូវ ឧ. គៀបករ ខាំខ្សែ ដាក់ឆ្ងាយពីខ្លួនជាដើម្បី

ស្តាប់ដោយស្ងាត់ស្ងៀមពេក អាចធ្វើអោយអ្នកទូរសព្ទចូល មានអារម្មណ៍ថាមិនមានអ្នកស្តាប់

ស្តាប់ដោយមិនយកចិត្តទុកដាក់ ហើយព្យាយាមធ្វើអ្វីផ្សេង

ភាពខុសឆ្គងចំពោះការមិនចេះគួរសមរបស់អ្នក និយាយទូរសព្ទ

មិនបានសូមអភ័យទោសនូវពេលទូរសព្ទរោទ៌ ជាច្រើងដងតែមិនបានលើក

មិនបានប្រើពាក្យគួរសមស្វាគមន៍តាម គំរូស្តង់ដាដែលបានរៀនមក

បរាជ័យក្នុងការនិយាយពាក្យ អគុណ Thanks ចំពោះអ្នកទូរស័ព្ទចូល

បរាជ័យក្នុងការនិយាយពាក្យ អរគុណ thanks you នូវពេលអ្នកទូរស័ព្ទចូល នៅរងចាំក្នុងទូរសព្ទ

មិនបាននិយាយ លាគ្នា good bye