ចង់បានបុគ្គលិកខ្លាំងត្រូវសិក្សាចំណុចខាងក្រោមតាមសហគ្រិនស្ត្រីឆ្នើមកម្ពុជា
អាជីវកម្មអាចរីកច្រើនទៅបាន អាស្រ័យលើបុគ្គលិកដែលមានចំណេះដឹង និងខ្លាំងក្នុងការធ្វើការងារ ជាពិសេសអាចរកចំណូលបានយ៉ាងច្រើនក្បាលក្រែលដែរទេ។ ចំណុចនេះលោកស្រី សុទ្ធ ចន្ថា នាយិកាក្រុមហ៊ុន Daily Transprot បានមានទស្សនៈថា «សម្រាប់ពាក្យថា បុគ្គលិក លោកស្រីមិនផ្តោតសំខាន់លោកការសិក្សាពេកទេ តែផ្តោតសំខាន់លើបេះដួងយកមកធ្វើការងារ»។
លោកស្រីសុទ្ធ ចន្ថា នាយិកាក្រុមហ៊ុន Daily Transport មានប្រសាសន៍ថា «បុគ្គលិកឆ្នើមមិនអាស្រ័យលើការសិក្សាពេកទេ តែសំខាន់លើបេះដួង និងអត្តចរិក ព្រោះយើងអាចធ្វើការជាមួយបុគ្គលណាម្នាក់ជាមួយអត្តចរិក ហើយវាអាចឲ្យមនុស្សរស់នៅជាមួយគ្នា៨០%»។ ជាការពិតណាស់ យើងមិនអាចធ្វើការជាមួយបុគ្គលិកគិតតែលុយជាប្រាក់ខែ តែមិនគិតរឿងអ្វីផ្សេងទាក់ទងនិងរឿងក្រុមហ៊ុននោះទេ។
បុគ្គលិកសម័យថ្មីនេះ ត្រូវតែប្តូរការគិតរបស់ខ្លួនមិនអាច ចាត់ទុកខ្លួនឯងត្រឹមជាបុគ្គលិកម្នាក់ធម្មតាក្នុងក្រុមហ៊ុនទៀតនោះទេ ត្រូវតែប្តូរឥរិយាបថធ្វើការរបស់ខ្លួនត្រូវចាត់ទុកថា ការធ្វើការងារ ដូចជាការវិនិយោគ ឬចេញរកស៊ីដោយខ្លួនឯងដែរ ដោយយើងប្រើប្រាស់សមត្ថភាពចំណេះដឹង ដើម្បីប្តូរយកចំណូលមកវិញ។
មិនត្រឹមតែប៉ុណ្ណោះ បុគ្គលិកមិនអាចទ្រាំធ្វើការងារឲ្យគេអស់មួយជីវិតនោះទេ ត្រូវតែមានមហិច្ឆតា ក្នុងចេញរកស៊ីដោយខ្លួនឯង ដូច្នេះត្រូវតែរៀនធ្វើការងារឲ្យបានច្រើនធ្វើដូចជាម្ចាស់៕