លោក Larry Ellison ៖ ខ្ញុំមាន៣ចំណុចដែលនាំឲ្យខ្ញុំជោគជ័យ
មនុស្សគ្រប់គ្នាគឺតែងតែមានគោលការណ៍ និងគំនិតល្អ សម្រាប់ជីវិត ខុសៗពីគ្នាគឺអាស្រ័យទៅតាមផ្នត់គំនិត និងគោលដៅរបស់មនុស្សយើងម្នាក់។ ចំពោះបុគ្គលដែលជោគជ័យគឺតែងតែមានគោលការណ៍ល្អៗ ជាច្រើនដែលជាហេតុធ្វើអោយពួកគាត់ទទួលបានជោគជ័យក្នុងជីវិត ហើយគោលការណ៍ និងគំនិតល្អៗទាំងនោះអ្នកអាចយកយកមកអនុវត្តបាន ពីព្រោះបុគ្គលជោគជ័យទាំងអស់បានអនុវត្តវាហើយក៏ទទួលបានជោគជ័យផងដែរ។
១.សិក្សាពីផែនការកំណត់របស់ខ្លួនឯង
នៅក្នុងចំណុចនេះ គឺលោកចង់បង្ហាញថាអ្នកត្រូវតែមានការកំណត់ផែនការសម្រាប់ខ្លួនអ្នកអោយបានច្បាស់លាស់ ហើយពិចារណាអោយបានច្បាស់លាស់មុននិងចាប់ផ្តើមធ្វើវា។ ទន្ទឹមនិងនោះដែរប្រសិនបើអ្នកដាក់ផែនការអ្វីមួយសម្រាប់ជីវិតរបស់អ្នកហើយ អ្នកត្រូវតែសិក្សាពីផែនការនោះអោយបានល្អិតល្អន់ និងច្បាស់លាស់ជាមុន នោះទើបអ្នកអាចអនុវត្តផែនការនោះទទួលបានជោគជ័យ។
២.យកគំនិតទៅច្នៃចេញជាផលិតផល ឬសេវាកម្ម
ចំពោះចំណុចនេះគឺលោក Larry Ellison បានយកមកអនុវត្តហើយលោកក៏ទទួលបានជោគជ័យ និងរកចំណូលបានរាប់ពាន់លានដុល្លាដោយសារតែចំណុចនេះដែរ។ ចំណុចនេះគឺលោកបានយកគំនិត និងចំនេះដឹងក្នុងការសរសេរកម្មវិធីកុំព្យូទ័រ របស់លោកប្រែក្លាយជាការចាប់ផ្តើមក្រុមហ៊ុនគ្រប់គ្រងប្រព័ន្ធទិន្នន័យមួយ ហើយលោកក៏ទទួលបានប្រាក់ចំណូលពីគំនិត និងចំនេះដឹងដែលលោកបានយកវា មកកែច្នៃចេញជាផលប្រយោជន៍ ជាក់ស្តែងតែម្តង។
៣.មានផលិតផល ឬសេវាកម្មដ៏ល្អមួយផ្ទាល់ខ្លួន
ដើម្បីអោយជីវិតអាជីវកម្មរបស់អ្នកជោគជ័យទៅបានអ្នកគួរតែមានផលិតផល ឬសេវាកម្មណាមួយដែលល្អសំរាប់យកវាមកធ្វើជាដើមទុនសំរាប់រកប្រាក់ចំណូលអោយអ្នក។ ផលិតផលនោះគឺបានមកពីគំនិត ការសិក្សា ការច្នៃប្រឌិត និងគំនិតដែលអ្នកមាននោះយកមកផលិតចេញជា ផលិតផលឬសេវាកម្មមួយផ្ទាល់ខ្លួនសម្រាប់ខ្លួនអ្នកផ្ទាល់ ហើយច្នៃវាអោយចេញជាផលប្រយោជន៍សម្រាប់អ្នក៕
