ស្ទើរតែគ្រប់អ្នកតាមដានបច្ចេកវិទ្យាទាំងអស់កំពុងតែនិយាយពី 5G ដោយគេយល់ថាវានឹងមានប្រយោជន៍ច្រើននាពេលអនាគតប្រសិនបើបច្ចេកវិទ្យាប្រភេទនេះចេញជាផ្លូវការ ប៉ុន្តែយ៉ាងណាក៏ដោយជាមួយនឹងអត្ថបប្រយោជន៍ដ៏ច្រើនសន្ធឹកសន្ធាប់នោះ ផលអវិជ្ជមានក៏គេឃើញមានផងដែរ ហើយកាន់តែអាក្រក់ជាងនេះទៅទៀតនេះ បច្ចេកវិទ្យាមួយនេះអាចនឹងប៉ះពាល់ដល់សុខភាពរបស់មនុស្សខ្លាំងមែនទែន។
បើតាមទស្សនាវដ្តីល្បីល្បាញខាងបច្ចេកវិទ្យារបស់អាមេរិកកាំង Wired បានឱ្យដឹងថា 5G មានផលប៉ះពាល់អវិជ្ជាមានធ្ងន់ធ្ងរដល់សុខភាពរបស់មនុស្សយើង ជាពិសេសកើតចេញពីរលកនៃការបញ្ចូនទិន្នន័យ ដែលមានលក្ខណៈខ្ពស់ជាងប្រព័ន្ធសេវាជំនាន់ចាស់ដូចជា 4G ឬ 3G ជាដើម ក្នុងករណីដែលការតម្លើងធ្វើឡើងមិនត្រឹមត្រូវតាមបទដ្ឋានបច្ចេកទេស។
បើតាមការដកស្រង់ពីឯកសាររបស់រដ្ឋាភិបាលអាមេរិក ទស្សនាវដ្តី Wired បានលើកឡើងថាគ្រោះថ្នាក់ទាំងនោះកើតចេញផ្ដល់ជាផលវិបាកដូចជា មានបញ្ហាខូចទៅលើស្បែកនិងភ្នែករបស់មនុស្សអាចធ្វើឱ្យមនុស្សយើងកើតជម្ងឺមហារីក ថែមទាំងគ្មានកូនទៀតផង។ បន្តមកទៀត អ្នកដែលទទួលរងឥទ្ធិពលដោយសារតែរលកដែលផ្សព្វផ្សាយចេញពីឧបករណ៍បញ្ចូននិងចែកចាយសេវា5G នោះអាចនឹងធ្វើឱ្យមានបញ្ហាផ្លូវចិត្ត រហូតដល់ជម្ងឺសសៃប្រសាទ បន្ថែមទៅលើការដែលមានជម្ងឺធ្លាក់ទឹកចិត្តដោយសារប្រើប្រាស់អ៊ីនធឺណេតច្រើននោះ។
ជាមួយគ្នានេះផងដែរ ក៏មានការលើកឡើងពីមជ្ឍដ្ឋានខ្លះផងដែរថាបច្ចេកវិទ្យាមួយនេះជះឥទ្ធិពលដល់ការប្រែប្រួលអាកាសធាតុ យ៉ាងណាក៏ដោយការលើកឡើងនេះស្ថិតនៅក្នុងការតស៊ូមតិនៅឡើយ មិនទាន់អាចនិយាយបានថាជាការពិត ឬយ៉ាងណានោះទេ។
សម្រាប់សហរដ្ឋអាមេរិកវិញ 5G នេះមិនមែនជារឿងថ្មីនោះទេ ហើយខាងរដ្ឋាភិបាលក៏បានត្រៀមខ្លួនរួចស្រេច ក្នុងការគ្រប់គ្រងបច្ចេកវិទ្យាមួយនេះផងដែរ តាមរយៈធ្វើការកំណត់បទដ្ឋានបច្ចេកទេសសម្រាប់ក្រុមហ៊ុនពាក់ព័ន្ធយកទៅតម្លើងដើម្បីឱ្យមានសុវត្ថិភាព។
គូសបញ្ជាក់ផងដែរថា សព្វថ្ងៃនេះនៅលើបច្ចេកវិទ្យា 5G គេដឹងថាក្រុមហ៊ុន Huawei ជាក្រុមហ៊ុនឈានមុខគេមួយ បើទោះជាមានការហាមប្រាមមិនឱ្យរកស៊ីក្នុងសហរដ្ឋអាមេរិក និងបណ្ដាប្រទេសអឺរ៉ុបខ្លះក៏ដោយក្តី ហើយការហាមប្រាមនោះទៀតសោត ភាគច្រើនក្រោមហេតុផលសន្តិសុខជាតិតែប៉ុណ្ណោះ។
ពិភពលោកកំពុងតែចាប់អារម្មណ៍សិក្សារទៅលើ 5G ដោយហេតុថាវាមានល្បឿនលឿនជាង 4G រយដង ដែលនឹងមានប្រយោជន៍ខ្លាំងជាពិសេសសម្រាប់បច្ចេកវិទ្យា IoT ឬ Internet of Thing នោះ៕