កូរ៉េខាងត្បូង ៖ ចាប់តាំងពីថ្ងៃដែល Kang Daniel ត្រូវគេទម្លាយថា កំពុងមានទំនាក់ទំនងស្នេហាជាមួយសមាជិកក្រុម Twice លោកហាក់ដូចជាទទួលបាន ការរិះគន់កាន់តែខ្លាំងឡើង ជាពិសេសនោះគឺ ពាក្យរិះគន់ពីសំណាក់ក្រុមអ្នកគាំទ្ររបស់លោកផ្ទាល់តែម្ដង។
គួរបញ្ជាក់ផងដែរថា កាលពេលថ្មីៗនេះ លោកបានបង្ហោះសារដ៏វែងអន្លាយមួយ ដើម្បីជាការសុំទោសទៅកាន់ហ្វេន ចំពោះដំណឹងទំនាក់ទំនងស្នេហារបស់លោក ដោយលោកមិនបានប្រកែក ឬក៏បង្ហាញក្ដីស្រលាញ់អ្វីឡើយ គ្រាន់តែសុំទោសដែលធ្វើឲ្យគ្រប់គ្នាមិនសប្បាយចិត្ត។ លោកថែមទាំងបានសន្យាទៀតថា លោកនឹងខិតខំប្រឹងប្រែងហ្វឹកហាត់ឲ្យបានល្អ ធ្វើជា Kang Daniel ដែលពូកែជាងមុនដើម្បីអ្នកគាំទ្រគ្រប់គ្នា។
ប៉ុន្តែផ្ទុយទៅវិញ លោកបែរជាទទួលបាន ការរិះគន់កាន់តែខ្លាំង ដោយពួកគេបានលើកឡើងថា Kang Daniel ជាមនុស្សដែលគ្មានទេពកោសល្យផ្នែកច្រៀង និងរ៉េបទេ លោកអាចត្រឹមតែរាំប៉ុណ្ណោះ។ ពួកគេបានបន្តថា Kang Daniel គួរតែយកពេលវេលាណាត់ជួបនោះ ទៅខិតខំហ្វឹកហាត់បន្ត វាល្អជាង។ អ្នកខ្លះវាយប្រហារធ្ងន់ៗទៅលើលោកថា ជាមនុស្សដែលគ្មានសមត្ថភាពគ្រប់គ្រាន់ ប៉ុន្តែបែរជាខំសាងរឿងអាស្រូវ ម្ដងហើយម្ដងទៀត។
ក្នុងនោះដែរ កំណើននៃក្រុមអ្នកគាំទ្រដែលចាកចេញ ហើយឈប់គាំទ្រ Kang Daniel ក៏មានច្រើន គួរឲ្យកត់សម្គាល់៕