ក្រុមហ៊ុនដ៏ធំមួយក្នុងប្រទេសថៃ បានចាប់ផ្តើមធ្វើផ្សារទំនើបធំបំផុតក្នុងតំបន់អាស៊ី ដែលស្ថិតនៅកណ្តាលក្រុងបាងកក
ទីផ្សារខុនដូនៅប្រទេសថៃ ហាក់កំពុងដាំក្បាលចុះខ្លាំង ខណៈខុនដូប្រមាណជាង៤៥០០០យូនីត នៅទូទាំងប្រទេសលក់មិនចេញ ប៉ុន្តែអត្រានៃការទិញខុនដូរបស់ជនជាតិចិននៅថៃនៅតែបន្ត។
ទោះបីជាយ៉ាងណាក៏ដោយ ក្រុមហ៊ុនសណ្ឋាគារថៃ Dusit Thani នឹងប្រតិបត្តិករផ្សារទំនើប Central Pattana បានធ្វើការប្រកាសគម្រោងវិនិយោគរួមគ្នាក្នុងទំហំទឹកប្រាក់១.១៦ពានលានដុល្លាអាមេរិច ក្នុងការអភិវឌ្ឍអចលនទ្រព្យចម្រុះក្នុងតំបន់ពាណិជ្ជកម្មកណ្តាលរបស់ទីក្រុងបាងកក ទោះបីទីផ្សារអចលនទ្រព្យកំពុងជួបវិបត្តិដ៏ដោយ។
ជាមួយគ្នានេះផងដែរគម្រោង Dusit Central Park មានទីតាំងស្ថិតនៅក្នុងតំបន់អាជីវកម្មដ៏ល្អ ដែលនៅកែងនឹងផ្លូវ Silom-Rama IV ដែលជាកន្លែងដែលសណ្ឋាគារ Dusit Thani ក្នុងទីក្រុងបាងកកដែលត្រូវបានសាងសង់ឡើងជិត ៥០ ឆ្នាំទៅហើយ។ ហើយគម្រោង Dusit Central Park នឹងមានសណ្ឋគារ ខុនដូរ ផ្សារទំនើប និងអគារការរិយាល័យធ្វើការ ដែលមានទំហំ៤៤០,០០០ ម៉ែត្រការ៉េ គម្រោងនេះត្រូវបានគេរំពឹងថានឹងបញ្ចប់នៅក្នុងឆ្នាំ២០២៤។
ម៉្យាងវិញទៀត អ្នកមានទីក្រុងបាងកកមួយរូបបានសរសើរថា គម្រោងនេះគឺជាការអភិវឌ្ឍន៍ដ៏ធំបំផុតរបស់ប្រទេសថៃ ដោយមានសួនច្បារ Dusit ស្ថិតនៅកណ្តាលអគារមួយនឹងកន្លែងអង្គុយនៅលើទីតាំងរបស់សណ្ឋាគារ Dusit Thani ចាស។
គួរជម្រាបផងដែរថា ក្រុមហ៊ុន Dusit Thani បានទទួលការយល់ព្រមពីម្ចាស់ភាគហ៊ុនលើគម្រោងអភិវឌ្ឍន៍ចម្រុះនេះនៅក្នុងខែឧសភា ឆ្នាំ២០១៧ និងបានបិទសណ្ឋាគារ Dusit Thani Bangkok Hotel នៅដើមឆ្នាំ២០១៩ ដើម្បីរៀបចំអភិវឌ្ឍគម្រោង The Central Park៕