មុននឹងក្លាយជាថ្នាក់ដឹកនាំដែលគេគោរពស្រឡាញ់ ត្រូវអានសម្រង់សម្តីចំនួន១០ខាងក្រោម ទើបដឹកនាំបានល្អបំផុត
ក្នុងនាមជាអ្នកដឹកនាំគ្រួសារក្តី សហគ្រិនក្តី ជានាយកប្រតិបត្តិក្តី ជាប្រធានក្តី ទាំងអស់នេះ របៀបនៃការគ្រប់គ្រងមិនសូវជាខុសគ្នាប៉ុន្មាននោះឡើយ វាទាមទារចំណុចរួមមួយ ដែលជាគុណតម្លៃសម្រាប់ធ្វើឲ្យការដឹកនាំរបស់បុគ្គលម្នាក់ៗ សម្រេចបាននូវផ្លែផ្កាជាប្រយោជន៍សម្រាប់អ្នកក្រោមបង្គាប់។
ខាងក្រោមនេះជាសម្រង់សម្តីខ្លះៗដែលជួយឲ្យអ្នកយល់ច្បាស់ថា តើអ្នកគួរមានលក្ខណៈសម្បត្តិអ្វីខ្លះក្នុងនាមជាអ្នកដឹកនាំម្នាក់?
១.“អ្នកដឹកនាំ គឺជាអ្នកដែលដឹងវិធីដែលត្រូវទៅ និងធ្វើដំណើរលើផ្លូវដែលត្រូវទៅ”។ ដោយលោក (John Maxwell)
២.“មិនមានឡើយមេដឹកនាំអស្ចារ្យដែលអាចធ្វើអ្វីៗដោយខ្លួនឯង និងដើម្បីផលប្រយោជន៍សម្រាប់ខ្លួនឯងឡើយ”។ លោក (Andrew Carnegie)
៣.“បើយើងសម្លឹងមើលទៅទសវត្សរ៍សខាងមុខ អ្នកដឹកនាំគឺជាអ្នកដែលចេះផ្តល់អំណាចឲ្យអ្នកដទៃ”។ លោក (Bill Gates)
៤.“អ្នកដឹកនាំដ៏មានប្រសិទ្ធភាពម្នាក់មិនមែនជាអ្នកដែលត្រឹមតែនិយាយ ឬធ្វើឲ្យគេចូលចិត្តទេ តែជាអ្នកដែលបង្ហាញលទ្ធផល”។ លោក (Peter Drucker)
៥.“ភាពច្នៃប្រឌិតបែងចែករវាងថា អ្នកណាជាអ្នកដឹកនាំ ហើយអ្នកណាជាអ្នកដើរតាម”។ លោក (Steve Jobs)
៦.“អ្នកដឹកនាំគិត និងពិភាក្សាពីដំណោះស្រាយ អ្នកដើរតាម គិត និងពិភាក្សាពីបញ្ហា”។ លោក (Brian Tracy)
៧.“ភាពជាអ្នកដឹកនាំ និងការរៀនសូត្រ គឺជាភាពចាំបាច់ដែលបំពេញគ្នាទៅវិញទៅមក” លោក (John F. Kennedy)
៨.“កុំនិយាយពីការគ្រប់គ្រង ប្រសិនបើគ្មានការលើកទឹកចិត្តអ្នកដទៃ”។ លោក (Lee Iacocca)
៩.“គុណតម្លៃដ៏អស្ចារ្យបំផុតរបស់អ្នកដឹកនាំ គឺការទទួលខុសត្រូវ” លោក (Winston Churchill”
១០.“កូនសោដ៏ជោគជ័យនៃភាពជាអ្នកដឹកនាំនៅពេលបច្ចុប្បន្ន គឺឥទ្ធិពលមិនមែនប្រើអំណាចផ្ដាច់ការនោះទេ”។ លោក (Kenneth Blanchard)៕