😭😭 ប្រកាសថ្ងៃកំណត់អោយ Jin សមាជិកក្រុម BTS ចូលបម្រើការក្នុងពលទាហាន!! ខ្វះតែប៉ុន្មានថ្ងៃទៀតតែប៉ុណ្ណោះ!

មិត្តអ្នកអានជាពិសេសហ្វែនខ្លាប់របស់តារា K-POP លំដាប់ពិភពលោកក្រុម BTS ប្រហែលជាបានជ្រាបរួចជាស្រេចហើយថាសមាជិកបងគេបង្អស់លោក Jin ដែលមានរហ័សនាមជា WWH (World Wide Handsome) ត្រូវចូលហ្វឹកហាត់ទាហានតាមច្បាប់ទំលាប់របស់ប្រទេសដោយមិនអាចពន្យាបាននៅក្នុងឆ្នាំ២០២២នេះជាកំហិត។ ពត៌មាននេះបានក្លាយជាពត៌មានដែលធ្វើអោយមនុស្សរាប់លាននាក់ខូចចិត្តព្រោះរយ:ពេលពីរឆ្នាំដែលត្រូវបំពេញភារកិច្ចជាតិ តារាប្រុសនឹងបាត់មុខពីកញ្ចក់ទូរទស្សន៍ ទំព័រទស្សនាវដ្តី និងបណ្តាញសង្គមទាំងអស់។
ចុងក្រោយ Armys កាន់តែខូចចិត្តបន្ថែមទៀតនៅពេលដែលបានដឹងពីថ្ងៃកំណត់ដែលលោក Jin សមាជិកក្រុម BTS ត្រូវវេចបង្វិចចូលពលទាហានហើយបោះបង់គ្រប់គ្នានៅក្នុងពិភពលោកខាងក្រៅ។ ថៃដែលលោក Jin ត្រូវផ្អាកពីការងារសិល្ប:គឺថ្ងៃទី ១៣ ខែធ្នូរនេះ គិតទៅគឺ ៩ ថ្ងៃបន្ទាប់ពីថ្ងៃខួបកំណើតគម្រប់៣០ឆ្នាំរបស់គាត់។
ពេលនេះទស្សនិកជនទូទាំងសាកលចាប់ផ្តើមនាំគ្នាសសេរសាលា Idol បណ្តើរៗហើយព្រោះពួកគេច្បាស់ក្នុងចិត្តថាចាប់ពីថ្ងៃប្រកាសដំណឹងនេះរហូតដល់ថ្ងៃទី ១៣ លោក Jin មុខជារវល់រៀបចំខ្លួន មិនមានពេលរៀបចំជាកម្មវិធីលាគ្នាអោយបានធំដុំអ្វីឡើយ។ ការផុសលារបស់ ARMYS បានធ្វើអោយ #Jin # jin_bts_enlistment_date និងបទចម្រៀងចុងក្រោយ “Astronaut” របស់តារាប្រុសល្បីល្បាញជាប់ចំណាត់ថ្នាក់នៅលើតារាងប្រជាប្រិយភាពរបស់ពិភពលោក។

អត្ថបទដោយ សា