ឡូយមែន! បទ «Top Of The Lady» របស់ ទេព បូព្រឹក្ស ជាប់ចំណាត់ថ្នាក់លេខ១នៅលើMusic Charts in Cambodia
ប្រិយមិត្តជាច្រើនប្រាកដជាបានស្ដាប់ហើយ បទថ្មីរបស់កញ្ញា ទេព បូព្រឹក្ស ដែលមានចំណងជើងថា «Top Of The Lady» មិនត្រឹមតែមានអត្ថន័យនោះទេ ហើយក៏មានលាយសិល្បៈបុរាណខ្មែរជាហេតុក្នុងការលើកស្ទួយសិល្បៈបុរាណខ្មែរយ៉ាងខ្លាំងផងដែរ។
ជាក់ស្ដែងនៅពេលនេះបទថ្មីរបស់តារាចម្រៀងស្រីរូបនេះ បានជាប់ចំណាត់ថ្នាក់លេខ១នៅលើ Music Charts in Cambodia របស់ Youtube ហើយ។
ក្នុងនោះតារាចម្រៀងស្រីរូបនេះក៏បានបង្ហោះសារនៅក្នុងបណ្ដាញសង្គមដើម្បីអបអរសម្រាប់សមិទ្ធិផលរបស់ខ្លួនឯងយ៉ាងដូច្នេះថា៖
«ជូនចំពោះបងប្អូនអ្នក stream បទនេះនៅក្នុង YouTube ឥឡូវនេះយេីងទទួលបាន TOP1 Music Charts in Cambodia 🇰🇭 ដោយកម្លាំងនៃការគាំទ្រទេីបពួកយេីងទទួលបានលទ្ធផលនេះ , ខ្ញុំជឿជាក់ថាកម្លាំងមួយនេះនឹងនាំមកនូវសមិទ្ធផលអស្ចារ្យជាបន្ដបន្ទាប់ជាក់ជាមិនខាន ។ ដោយសេចក្តីគោរពពីនាងខ្ញុំ ទេព បូព្រឹក្ស»
ក្រោយពេលឃើញបែបនេះ មហាជននិងហ្វេនៗជាច្រើនពិតជាភ្ញាក់ផ្អើល និងសង្ឃឹមថាតារាចម្រៀងស្រីរូបនេះ និងខិតខំជាមួយក្រុមការងារ ដើម្បីផលិតបទចម្រៀងថ្មីៗ ដែលទទួលបានការគាំទ្រ និងពេញចិត្តពីសំណាក់មហាជនតទៅទៀតផង៕
សូមទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី