ក្រោយបាត់មុខពីវិស័យរឿងភាគ ៣ ឆ្នាំ ទីបំផុតតារាស្រីរូបស្រស់ជើងស្រឡូន Yoona ត្រៀមខ្លួនត្រលប់មកវិញជាមួយរឿងភាគថ្មីហើយ។ នេះបើយោងតាមប្រភពពត៌មាន kstarlive កាលពីថ្ងៃទី ២៥ ខែមីនា នេះ។
យោងតាមប្រភពពត៌មានដដែលនេះ បានប្រាប់ឲ្យដឹងថា រឿងភាគថ្មីដែលតារាស្រីរូបនេះនឹងចូលសម្ដែងមានចំណងជើងថា «Hush» ដែលគ្រោងនឹងចាក់ផ្សាយនៅលើបុស្ដិ៍ទូរទស្សន៍ JTBC។ ជាពិសេសរឿងភាគដ៏ថ្មីស្រឡាងមួយនេះ ក៏ដកស្រង់ចេញពីប្រលោមលោមល្បីដែលមានចំនងជើងថា «Silence Alert»។
ទន្ទឹមនឹងនេះផងដែរ តារាសម្ដែងប្រុសដែលត្រៀមចាប់ដៃគូ ជាមួយ Yoona ក្នុងរឿងភាគនេះ គឺលោក Hwang Jungmin ដែលនេះជាការត្រឡប់មកវិញជាលើកដំបូង ក្រោយបាត់មុខពីវិស័យរឿងភាគអស់រយៈពេលជាង ៨ឆ្នាំផងដែរ៕
អត្ថបទដោយ៖ ស្រីពេជ្រ