ជាការពិតណាស់ បើគិតមកទល់នឹងពេលនេះ រយៈពេល៤ឆ្នាំហើយ ដែលអតីតតារាសម្ដែងប្រុសលោក Por Tridsadee ទទួលមរណៈភាព តែកន្លងមកភរិយាលោកនៅតែនឹករលឹកលោកគ្មានថ្ងៃភ្លេចនោះទេ ជាពិសេសនោះគឺកូនស្រីតែងតែយំនឹកលោកគ្រប់គ្នាតែម្ដង។
ជាក់ស្ដែងដូចជាថ្មីៗនេះ អ្នកនាង Bo Vanda បានបង្ហោះវីដេអូបង្ហាញពីសកម្មភាពកូនស្រីខ្លួនកំពុងតែយំឱបអ្នកនាង ព្រោះតែនឹកលោកប៉ារបស់គេពេក និងថែមទាំងសរសេរសាររៀបរាប់យ៉ាងក្ដុកក្ដួលទៀតថា៖
«នេះជា ទារុណកម្មមួយទៀត ដែលអាចធ្វើបានត្រឹមតែតស៊ូទ្រាំ នឹងក្ដីនឹករឭក ទាំងខ្ញុំ និងក្មេងតូច ដែលបានរងចាំ ចង់ជួប ចង់ឱប តែយើងនឹងឆ្លងកាត់ពេលវេលានេះឲ្យបាន ទោះបីជាត្រូវការពេលវេលាយូរប៉ុណ្ណាក៏ដោយ តែម៉ាក់នឹងព្យាយាមធ្វើឲ្យកូន ញញឹមជំនួសយំ នៅពេលដែលកូននឹកឪពុក។ ម៉ាក់នឹងជួយកូនឱ្យឆ្លងផុត ពេលវេលាដ៏ឈឺចាប់នេះឲ្យបាន»។
ក្រោយពេលឃើញបែបនេះ មហាជនជាច្រើនកាន់តែកើតចិត្តអាណិតអាសូរកូនស្រីអតីតតារាប្រុសរូបនេះ និងសរសើរទឹកចិត្តនាងដែលស្រលាញ់ឪពុក នៅតែនឹកនាគ្រប់ពេលវេលា ទោះបីជាពេលនេះលោកឃ្លាតឆ្ងាយយ៉ាងណាក៏ដោយ៕ តោះ! ចង់ជ្រាបកាន់តែច្បាស់ ទៅទស្សនាវីដេអូខាងក្រោមនេះទាំងអស់គ្នា៖
អត្ថបទដោយ៖ស៊ីវលី